Halyqaralyq etnografııalyq kıno festıvaline 40-qa jýyq derekti fılm usynyldy
ASTANA. 19 mamyr. QazAqparat - Búgin elordada «Samuryq-Etno-Fest» halyqaralyq etnografııalyq kıno festıvali bastaldy.
Sharaǵa Qazaqstan, Ázirbaıjan, Armenııa, Belarýs, Qyrǵyzstan, Moldava, Tájikstan, Túrikmenstan, Ózbekstan, Ýkraına, Reseı, Úndistan, Iran, Qytaı jáne Túrkııa elderiniń rejısserleri 40-qa jýyq derekti fılm usynyp otyr.
«Mundaı festıval tek Qazaqstanda ǵana emes Ortalyq Azııada da alǵash ret uıymdastyryldy. Bizdiń festıval halyqtar arasynda aırymashylyqty emes, bizderdi biriktiretin erekshelikterdi pash etýge baǵyttalǵan», - deıdi kınorejısser, Qazaqstannyń eńbek sińirgen qaıratkeri Baqyt Qaıyrbekov.
Aıta keteıik, festıval halyqtar dıalogy men mádenıetterdi damytý, ulttyq fılmderdi ıntegratsııalaý, jalpy álemdik kınomatografııalyq protseste etno-antropologııalyq baǵytty damytý maqsatynda ótkizilýde. Mádenı sharanyń basty maqsaty - álemdik dástúrli mádenıettiń áralýan qaınarlarynyń jemisti ekendigin, qazirgi adamdardyń rýhanı jaǵynan kemeldenýi maqsatynda ony saqtaý qatejttigin kıno arqyly kórsetý.
