Halyqaralyq esirtki aınalymyn uıymdastyrýshylar ustaldy - UQK

NUR-SULTAN. QazAqparat – Ulttyq qaýipsizdik komıteti Qazaqstan men Qyrǵyzstannyń kúsh qurylymdarymen birlese is-áreket etip, Ortalyq Azııa elderine baǵyttalǵan zańsyz esirtki óndirisimen aınalysatyn halyqaralyq sındıkattyń jolyn kesti, dep habarlaıdy QazAqparat QR UQK baspasóz qyzmetine silteme jasap.

«Kóp kezeńdi jedel is-sharalar sheńberinde 2-3 maýsymda Almaty qalasynda «alfa-PVP» esirtki zatynyń 17,7 kelisin tasymaldaý jáne saqtaý kezinde esirtki qylmysyna qatysty toptyń 4 kómekshisi ustaldy. Ustalǵandardyń biriniń turǵylyqty mekenjaıy boıynsha psıhotroptyq zattardy óndiretin jerasty zerthana tabyldy. Esirtki kontrabandalyq jolmen Qyrǵyzstanǵa jiberýge, sondaı-aq Shymkent jáne Óskemen qalalarynda satýǵa arnalǵan bolyp shyqty. Qylmystyq toptyń baılanystaryn joıý úshin Ulttyq qaýipsizdik komıteti Qyrǵyzstannyń ІІM-men ózara is-qımyldy iske asyrdy. Nátıjesinde, 5 maýsymda Bishkek qalasynda jasyryn jerden 3 keli esirtki zatyn alý kezinde Qyrǵyzstannyń 3 azamaty ustaldy. Arnaıy operatsııanyń sońǵy kezeńi Óskemen jáne Shymkent qalalaryndaǵy birmezgilde 3 esirtki kýreriniń ustalýymen aıaqtaldy. Olardy tekserý barysynda 2 keli esirtki tabyldy», - delingen Komıtet aqparatynda.

Jalpy, terrorızmge qarsy operatsııa barysynda esirtki qylmysyna qatysy bar 10 adam ustalyp, iri esirtki zerthanasynyń jumysy toqtatyldy.

Tárkilengen esirtkiniń jalpy salmaǵy – 22,7 keli (68 myń bir rettik dozaǵa teń).

Atalǵan faktiler boıynsha sotqa deıingi is-sharalar júrip jatyr.