Halyqaralyq epızootıkalyq bıýro Qazaqstandaǵy kıikterdiń qyrylýyn zertteıdi

ASTANA. QazAqparat - Dúnıejúzilik janýarlar densaýlyǵyn saqtaý uıymynyń (Halyqaralyq epızootıkalyq bıýro) arnaıy komıssııasy Qazaqstandaǵy kıikterdiń jappaı qyrylýy sebebin anyqtaýmen aınalysady.

Bul jaıynda QR Aýyl sharýashylyǵy mınıstrliginde Qostanaı, Aqtóbe jáne Aqmola oblystary aýmaǵynda kıikterdiń Betpaqdala popýlıatsııasynyń jappaı qyrylý faktisin anyqtaý boıynsha aýyl sharýashylyǵy vıtse-mınıstri Erlan Nysanbaevtyń tórǵalyǵymen ótken jumys tobynyń otyrysynda málim boldy.

Budan buryn habarlanǵandaı, Qostanaı jáne Aqtóbe oblystarynda qyrylǵan kıikterdiń sany 112 myń 475-ke jetti. Al Aqmola oblysynyń Jarqaıyń jáne Jaqsy aýdandarynda qazirgi kezde 8502 kıiktiń óleksesin joıý sharalary júrgizildi. Olardyń ishinde 90 paıyzy - analyq janýarlar.

Qazaqstandyń bıologııalyq ártúrlilikti saqtaý qaýymdastyǵynyń málimetinshe, 2014 jyly memlekettik kıik sanaǵynyń nátıjesi boıynsha Qazaqstandaǵy kıikterdiń sany 300 myńnan asqan.