Halyqaralyq dzıýdo federatsııasy jarys kezinde qatań saqtalýy tıis talaptar tizmin jarııalady
NUR-SULTAN.QazAqparat – Halyqaralyq dzıýdo federatsııasy jarys kezinde qatań saqtalatyn talaptar tizimin jarııa etti, dep habarlaıdy QazAqparat Ulttyq Olımpıadalyq komıtetiniń baspasóz qyzmetine silteme jasap.
«Álemde keńinen taralǵan indetke qarsy vaktsına áli tabylmaǵandyqtan, týrnır barysynda barlyq saqtyq sharalary qoldanylady. Jarysqa qatysýshylardyń barlyǵy da erejeden attamaýy tıis. Týrnır aldynda sportshylar, resmı tulǵalar, bapkerler men basqa da qatysýshylarǵa testileýden ótý mindetteledi. IJF málimetinshe, týrnırge qatysýshylardyń barlyǵy sońǵy 14 kúnde qandaı da bir aýrý belgileriniń joq ekendigin dáledeıtin, COVID-19 teris nátıjesin kórsetetin medıtsınalyq anyqtama ákelýi tıis», delingen Ulttyq Olımpıadalyq komıtettiń baspasóz habarlamasynda.
Sondaı-aq, jarys ótetin memleketke kelerde sportshylar aıryqsha baqylaýda bolady. Turǵyn úıge, qonaqúılerge kirerde jáne jarys ótetin aýmaqtyń barlyǵynda dene qyzýy sát saıyn ólshenip turady. Maska kııý tatamı men jattyǵý zaldarynan basqa jerlerdiń barlyǵynda mindetteledi.
