Halyqaralyq dzıýdo federatsııasy Olımpıada oıyndaryna irikteýdi jańa deńgeıge kóterip otyr - QR ulttyq quramasynyń bas bapkeri
Y. Qyrkúıektiń 24-i. QazAqparat /Erlik Erjanuly/ - 2012 jyly Londonda ótetin jazǵy Olımpıada oıyndarynyń joldamasy dzıýdoda árbir salmaq dárejesi boıynsha álemniń úzdik 22 balýanynyń qataryna kirgen sportshylarǵa ǵana beriledi. Ony QR Ulttyq quramasynyń bas bapkeri Erbol Qyrǵyzbaev búgin Almatyda ótken baspasóz máslıhatynda aıtty, dep habarlaıdy QazAqparat.
«Qyrkúıektiń 25-26 kúnderi Almatydaǵy Balýan Sholaq atyndaǵy sport saraıynda QR Prezıdenti júldesi úshin ótetin Álem kýbogy 2012 jyly Londonda ótetin jazǵy Olımpıada oıyndarynyń lıtsenzııalyq irikteý jarystarynyń biri. Halyqaralyq dzıýdo federatsııasynyń tártibi boıynsha endi ár sportshy reıtıngtik upaı jınap, úzdik 22 balýannyń qataryna kirýi kerek. Bul úshin olar jylyna keminde 7-8 jarysqa qatysyp, ondaǵy jaqsy upaı jınaǵan 5 týrnırdiń qorytyndysy boıynsha upaı jınaıdy», deıdi Erbol Qyrǵyzbaev. Bas bapkerdiń aıtýynsha, dzıýdo kúresinde bıyl Týnısten bastalǵan London Olımpıadasynyń lıtsenzııalyq týrnırleri 2012 jyly mamyr aıynda toqtatylady. Jalpy mundaı dúbirli dodalar álemniń ár qıyrynda aı saıyn 2-3 jerde ótýde. Sol sebepti QR Dzıýdo federatsııasy da Qazaqstanda ótkeli otyrǵan jalǵyz lıtsentsııalyq týrnır sanalatyn bul Álem kýbogynda joǵary nátıjege qol jetkizýdi aldyna maqsat etip qoıyp otyr.
«Qurama sapy qazirgi tańda jasardy. Onda saqa balýandardan Maksım Rakov, Rınat Ibragımov, Dastan Yqybaev, Bolat Tımýr sııaqty sanaýly sportshy bar. Bizdiń bul jarysta eń aldymen solarǵa úmit artyp otyrmyz. Sondaı-aq bolashaǵynan úlken úmit kúttirer jas dzıýdoshylar da bar», deıdi bas bapker Erbol Qyrǵyzbaev.
