Halyqaralyq dzıýdo federatsııasy beldesýdiń jańa erejelerin engizdi
ASTANA. QazAqparat - Halyqaralyq dzıýdo federatsııasy jańa erejeler shyǵardy, dep habarlaıdy QazAqparat tilshisi Federatsııa saıtyna silteme jasap.
«Bul aldaǵy Olımpıada tsıklinde júzege asyrylatyn bolady. Erejeni ózgertýdegi basty maqsat - dzıýdo sharttaryn xalyqqa ońaı túsindirý», - dep kórsetilgen aqparat kózinde.
Jańa erejelerdi halyqaralyq deńgeıdegi testileýden ótkizý ýaqyty 2017 jyldyń qańtarynan bastalyp, tamyz-qyrkúıek aılaryndaǵy Býdapeshtte ótetin álem chempıonatynan keıin aıaqtalmaq.
Engizilgen jańa erejeler kelesideı:
- Erler men áıelder básekesindegi beldesý ýaqyty - tórt mınýt;
- Endi dzıýdoda tek vadzarı jáne ıppon bolady. Burynǵydaı ıýko degen upaı bolmaıdy. ıÝko ádisi vadzarımen teńestirildi. Eki vadzarı buryn ıppon bolatyn, endi eki vadzarı ıpponǵa teńestirilmeıdi. Buryn tórt shıdo (eskertý) alǵan balýanǵa jeńilis jazylatyn. Endi jańa ereje boıynsha, úsh shıdo alǵan balýan jeńilgen bolyp esepteledi. Eki ret aıaqtan ustasa Hansoku Make, ıaǵnı birden jeńilis. Balýan 45 sekýnd ishinde shabýyl jasamasa - shıdo. Kúres ýaqyty - 4 mınýt;
- «Altyn upaı». Eger upaı joq bolsa nemese teń bolǵan jaǵdaıda, beldesý «Altyn upaıǵa» (Golden Score) jalǵasady. Negizgi ýaqytta ıelengen árbir upaı men aıyptar tabloda qalmaq. «Altyn upaı» sheshimi jınalǵan upaı men shıdo kórsetkishteri arqyly anyqtalatyn bolady;
Qazirgi ýaqytta «shıdo» sany úsheý. Sondyqtan, úshinshisi «hansoký» jasaýǵa múmkindik beredi;
- «Kýmıkata» aıypty talap etpeıdi;
- Tolyqtaı qorǵanysqa kóshken jaǵdaıda «shıdo» kórsetilmek;
Aıaqtan nemese shalbardan ustaǵan dzıýdoshy, aldymen «shıdomen» jazalansa, artynsha «hansoký» jasaýǵa múmkindik almaq;
Sondaı-aq, Komıtet qaýipsizdik jaǵyn qatań túrde qolǵa alǵandaı. ıAǵnı, jaraqattyń neǵurlym azaıǵanyn basty maqsat tutýda. Sol sebepti dzıýdoshynyń kúres barysynda bas, moıyn jáne jelkege qaýip týdyrǵan jaǵdaıda jazaǵa tartylatyn bolady.
- Jasóspirimder arasyndaǵy álem chempıonatynyń júldegerleri úlkender reıtınginde upaı jınaıtyn bolady;
Bul ózgeristerdiń naqty qujattary aǵymdaǵy jyldyń sońyna deıin jasalyp bitpek. Odan bólek, bul sheshimder Halyqaralyq Olımpıada komıtetiniń qaraýynan ótedi.
