Halyqaralyq dzıýdo federatsııasy 3-shi «Masters» elıtalyq týrnırin Qazaqstanda ótkizý týraly sheshim shyǵardy
ALMATY. 1 sáýir. QazAqparat /Erlik Erjanuly/ - Dzıýdodan "Masters - 2012" týrnıri aldaǵy jyly qańtarda Almatyda ótetin boldy. Halyqaralyq dzıýdo federatsııasy (IJF) 22 naýryzda osyndaı sheshim shyǵardy.
Álemniń úzdik 12 dzıýdoshysy arasynda ótetin bul dúbirli doda alǵash ret 2009 jyly Koreıada ótken edi. Odan keıin ol byltyr Bakýde óz jalǵasyn tapty. Endi úshinshi ret bul básekeniń jalaýy Qazaqstanda kóterilmek. Eger 2012 jyly Londonda jazǵy Olımpıada oıyndary ótetinin eskersek, bul saıys bolashaq Olımpıada jeńimpazdary men júldegerleri úshin eń jaýapty syn bolmaq.
15-16 qańtarda Ázirbaıjan astanasynda ótken sońǵy týrnırge 41 elden 207 sportshy qatysqan bolatyn. Júlde qory 200 myń AQSh dollaryn quraǵan bul jarysta Qazaqstan quramasynyń qorjynyna erler arasynda 100 kg. salmaqta beldesken Maksım Rakov jalǵyz qola medal saldy.
