Halyqaralyq dárejedegi sportshylar áskerı qyzmetshilerdiń balalarymen kezdesti
Álem, Azııa jáne Azııa oıyndarynyń chempıondary leıtenant Birjan Jaqypov pen QR QK-niń qyzmetkeri Jánibek Álimhanuly Aıagóz garnızonyna bardy.
Olar garnızonnyń sporttyq kesheni men orta mektepte bolyp, aqysyz sporttyq sektsııalarǵa baryp júrgen áskerı qyzmetshilerdiń balalarymen kezdesip, sheberlik synyptaryn ótkizdi jáne balalarmen áńgimelesti. Áskerı sportshylar sondaı-aq, 10810 áskerı bóliminiń merzimdi qyzmettegi áskerı qyzmetshilerimen júzdesti.
«Aǵymdaǵy jyldyń basynda Sport komıteti Qorǵanys mınıstrligi basshylyǵynyń qoldaýymen garnızondarda áskerı qyzmetshilerdiń balalaryna arnalǵan tegin sporttyq sektsııalardy ashqan bolatyn. Balalarǵa arnalǵan buqaralyq sportty damytý, sonymen qatar, armııalyq sportty nasıhattaý maqsatynda AOSK-nyń tanymal sportshylary garnızondarǵa bardy. Bul óskeleń urpaqty sportpen shuǵyldanýǵa yntalandyrady degen senimdemin», - dep Sport komıteti - QR QM AOSK-nyń tóraǵasy podpolkovnık Rasýl Meıirmanov atap ótti.
Onyń sózinshe, keleshekte áskerı sportshylar Úsharal, Prıozersk, Saryózek jáne Gvardeısk kentindegi garnızondarǵa jol tartady.
«Balalardyń sportqa degen qyzyǵýshylyǵy shynaıy ekendigi baıqalyp tur. Olar qyzyqty suraqtar qoıdy. Biz jas óskeleń urpaqtyń sportty jáne salamatty ómir saltyn jandaryna serik etkenderin qalaımyz», - dedi leıtenant Birjan Jaqypov.