Halyqaralyq boks uıymynyń aýyr salmaqtaǵy Qurlyqaralyq álem chempıony Isa Aqberbaev óz ataǵyn qorǵaıdy
ALMATY. 12 mamyr. QazAqparat - Búgin Ýkraınada Brovarı qalasynda Halyqaralyq boks uıymynyń (ІVO) Qurlyqaralyq álem chempıony Isa Aqberbaev óz ataǵyn úshinshi ret qorǵaıdy.
Onyń bul jolǵy qarsylasy argentınalyq Maýro Adrıan Ordıales bolmaq. 1983 jyly 5 qarashada ómirge kelgen Isa kásipqoı boks rıngindegi alǵashqy jekpe-jegin 2009 jyly 19 tamyzda Ózbekstannyń Almalyq qalasynda Shýhrat Ishmýhammedovpen ótkizgen bolatyn. Osy ýaqytqa deıin 9 kezdesý ótkizgen ol (altaýyn nokatpen), birde-bir ret jeńilistiń aşy dámin tatqan joq.
2010 jyly 4 qarashada Germanııanyń Berlın qalasynda Búkilálemdik boks keńesiniń (WBC) Azııa boks ókildiginiń chempıony, al 2011 jyly naýryzda Reseıdiń Ekaterınbor qalasynda bos turǵan Halyqaralyq boks uıymynyń Qurlyqaralyq chempıony ataǵyn jeńip aldy. ІVO-nyń Qurlyqaralyq chempıony ataǵyn Germanııanyń Nordheın-Ýestfalen qalasynda 2011 jyly 9 shildede Marko Heınıshennen, al 9 jeltoqsanda Armın Dollıngerden qorǵap qaldy. Qazaqstandyq bylǵary qolǵap sheberi 12 raýndyq sońǵy 3 kezdesýde de qarsylastaryn merziminen buryn tehnıkalyq nokaýtpen jeńip shyqty.
1975 jyly 17 qańtarda Argentınanyń Býenes-Aıres qalasynda ómirge kelgen Maýro Adrıan Ordıalestiń bul 38-shi kezdesýi bolmaq. Ol buǵan deıin 28 ret jeńiske jetip (26-syn nokaýtpen), 9 ret jeńilis (8-i nokaýtpen) tapqan edi. Kásipqoı bokstaǵy alǵashqy jekpe-jegin 2002 jyly 25 qazanda týǵan qalasynda jeńispen bastaǵan bul boksshy, 2011 jyly 12 qarashada Polshanyń Gdınıa qalasynda Búkilálemdik boks uıymynyń (WBO) Qurlyqaralyq chempıony ataǵyn sarapqa salýǵa qatysqan bolatyn. Alaıda 10 raýndtyq kezdesýdiń 2-raýndynda Pavel Kolodpıejden (Pawel Kolodziej tehnıkalyq nokatpen jeńilis tapty. Odan keıin bıyl týǵan qalasynda reıtpıngtik jekpe-jekterde 20 qańtarda Anıbal Sılvestrdi nokaýtpen, al 17 aqpanda Edýardo Jesýs Oskar Rojasdi tehnıkalyq nokaýtpen utyp shyqty.
