Halyqaralyq bıznes akademııasynda jańa sport klýby men zal ashyldy
Y. Jeltoqsannyń 5-i. QazAqparat /Názıra Eleýhan/ - Keshe Almatydaǵy Halyqaralyq bıznes akademııasynda sport klýby men jattyǵý zaly ashyldy. Ashylý saltanatyna qala ákimi Ahmetjan Esimov qatysty,
dep habarlaıdy QazAqparat qala ákiminiń baspasóz qyzmetine silteme jasap.
Qala ákimi Halyqaralyq bıznes akademııasynyń basshylyǵy men oqytýshylar qaýymyn, sonymen qatar stýdentterdi osy eleýli oqıǵamen quttyqtady.
«Elbasymyz Almatyda bolyp, Azıada nysandaryn aralaǵan kezde ol jastardyń sportpen shuǵyldanýy qajet ekendigine aıryqsha kóńil bólgen bolatyn. Salaýatty ómir saltyn qalyptastyrǵan jastar ǵana táýelsiz Qazaqstannyń laıyqty azamattary bolatyndyǵyn Elbasy atap ótken edi. Sondyqtan da men HBA basshylyǵynyń bul isin erekshe quptaımyn. Óıtkeni, olar az ýaqyttyń ishinde qazirgi zamanǵy tehnologııany paıdalana otyryp, jaqsy ǵımarat salyp otyr», dedi qala ákimi Ahmetjan Esimov.
Ákim jastarǵa sportpen aınalysý qajet ekendigin aıtyp, 2011 jylǵy Azııa oıyndaryna daıyndyq barysy týraly áńgimeledi. Balýan Sholaq atyndaǵy Sport saraıy, shańǵy tramplınderi, Shymbulaq, Medeý jóninde de keńinen sóz qozǵady. Ahmetjan Esimov Halyqaralyq bıznes akademııasynyń ujymyn, stýdentterdi 2009 jyldyń 16 jeltoqsanynda Medeýde ashylatyn dástúrli muz aıdynyna syrǵanaq tebýge shaqyrdy.
