Halyqaralyq Bıznes Akademııasy jańa oqý jylynda múmkindigi shekteýli stýdentterdi qabyldaýǵa daıyn

Bul úshin Akademııanyń oqý kesheninde arnaıy oryndar, pandýstar jabdyqtalyp, arnaıy lıftter jasalǵan. Akademııa osyndaı ıgi isterimen Qazaqstandaǵy bıznestiń áleýmettik jaýapkershiligine ózindik úlesin qosýda.

«Qoǵam aldyndaǵy áleýmettik jaýapkershilikti durys túsiný, bul - bizdiń elimizdiń bolashaqta kórkeıe túsýiniń alǵy sharttarynyń biri. JOO-nyń áleýmettik jaýapkershiligi múmkindigi shekteýli adamdarǵa qarym-qatynasynan kórinedi. Jáne, mindetti túrde, biz bul uǵymdy ózimizdiń tyńdaýshylarymyz ben stýdentterimizge darytýǵa talpynamyz»,-deıdi HBA rektory Asylbek Qojahmetov.

Joǵary bilimi bar «Namys» múgedekter qoǵamdastyǵynyń tóraǵasy Qaırat Imanalıevtiń aıtýynsha, Almatyda kúni búginge deıin ártúrli sanattaǵy: ortalyq qozǵalý jáne kórý júıesi buzylǵan múgedekterdi oqytý múmkindigi bar birde-bir joǵary oqý orny bolmaǵan. «Halyqaralyq Bıznes Akademııasy ortalyq qozǵalý júıesi zaqymdanǵan múgedek jandarǵa esigin aıqara ashyp, qabyldap jatqan birinshi oqý oryny. Bul múgedek jandarǵa joǵary bilim alyp, eńbek naryǵynda básekege qabiletti bolýyna, sonymen qatar, ózine jáne óziniń otbasyna táýelsiz ómirdi qamtamasyz etýge múmkindik beretinine senemin»,- dedi ol.

Onyń aıtýynsha, Qazaqstanda 500 myńnan astam múmkindigi shekteýli adamdar turady. «Shamamen onnan bir bóligi - ortalyq qozǵalý júıesi zaqymdanǵan jandar, osynyń tórtten bir bóligi - qol arbaǵa tańylǵandar. Olardy memleket nazarynan tys qalǵan deýge bolmaıdy. Degenmen, múgedekterdiń quqyǵyn retteýshi memlekettik saıasat pen ulttyq zańnamalar medıtsınalyq kómekke baǵyttalǵan, sonysymen, bul jaǵdaı halyqaralyq quqyqtyq qujattardan múldem bólek. Onda múgedek jandardyń basqalarmen teń dárejede ómir súrýiniń tetikteri kórsetilgen. Bálkim sodan da bolar, laıyqty bilim alý, onyń ishinde joǵary bilim alý, olardyń kóbiniń jáı ǵana armany bop qalyp otyr. Munyń sebebi, olardyń oqý úlgeriminiń nasharlyǵy nemese UBT-nyń tómen kórsetkishinde emes, kerisinshe, bizdiń joǵary oqý oryndarynyń múmkindigi shekteýli adamdardy qabyldaýǵa qanshalyqty daıyn ekendiginde jatyr»,-dedi Q. Imanalıev.

Oqýǵa túsýshiler úshin: Halyqaralyq Bıznes Akademııasyna qujattardy qabyldaý 2011 jyldyń 25 tamyzyna deıin júrgiziledi.