Halyqaralyq bıznes akademııasy aýyl mektepterin qoldaý baǵdarlamasyn júzege asyrýda

dep habarlaıdy QazAqparat.

Qazirgi kezde osy baǵdarlama aıasynda Soltústik Qazaqstan oblysy Aıyrtaý aýdanyndaǵy mektepterdiń 15 muǵalimi Almatyda kóktemgi demalysyn ótkizýde. HBA akademııasynyń prezıdent-rektory Asylbek Qojahmetovtyń aıtýynsha, baǵdarlama aýyl mektepterinde qazaq tili páninen sabaq beretin jas mamandardyń biliktiligin kóterýge baǵyttalǵan. «Jalpy baǵdarlama aıasynda mektepterge qarjylaı emes barlyq kómek túrin kórsetý usynylǵan», deıdi Asylbek Qojahmetov. Onyń sózine qaraǵanda, baǵdarlama onyń jeke bastamasy jáne Úkimet qabyldaǵan daǵdarysqa qarsy sharalar talabyna tolyq saı keledi. «Qazirgi tańda elimizde 200 aýyl mektebi men 144 joǵary oqý orny bar. Baǵdarlamada kórsetilgendeı, árbir JOO bir aýdannyń mektepterin qamqorlyǵyna alyp, ustazdardyń biliktiligin arttyrý baǵytynda kómek kórsetýi tıis», deıdi HBA prezıdenti.

Atalǵan baǵdarlama aıasynda buǵan deıin Aıyrtaý aýdany mektepteriniń 30 muǵalimi Almatyda bilim jetildirgen bolatyn. Olar Y.Altynsarın atyndaǵy Qazaqtyń bilim akademııasynda, Muǵalimder bilimin jetildirýdiń respýblıkalyq ınstıtýynda blim alǵan edi. Al HBA mádenı baǵdarlamalar uıymdastyryp, oqýlyqtarmen qamtamasyz etken bolatyn. Sondaı-aq akademııa tarapynan olardyń jol shyǵyny, tamaq, turǵyn-jaıy uıymdastyrylǵan.