Halyqaralyq birikken kúres stıli federatsııasy (FILA) ataýyn ózgertti
ASTANA. QazAqparat - Ózbekstan astanasy Tashkentte 8-14 qyrkúıek aralyǵynda sporttyq kúresten Álem chempıonaty ótýde. Shara aıasynda uıymdastyrylyp jatqan kongress barysynda Halyqaralyq birikken kúres stıli federatsııasy (FILA) ataýyn Birikken kúres álemi (United World Wrestling) degen ataýǵa almastyrý jóninde mańyzdy sheshim qabyldandy.
Uıym ataýyn almastyrýmen qatar, UWW basshylyǵy saılandy. Birikken kúres áleminiń prezıdenti bolyp buryn Halyqaralyq birikken kúres stıli federatsııasyn basqarǵan serbtik maman Mılosh Lalovskıı taǵaıyndaldy. Sonymen qatar kongress barysynda Kúres dostary klýby quryldy. Atalmysh klýbtyń alǵashqy músheleri kúresti olımpıadalyq jarys túrleri qataryna qaıtarýǵa belsene atsalysqan Marıın teatrynyń kórkemdik jetekshisi, London sımfonııalyq orkestriniń bas dırıjeri Valerıı Sergıev, áıgili nemis fýtbolshysy, «Bavarııa» FK-nyń basqarma tóraǵasy Frants Bekkenbaýer jáne amerıkandyq akter Ýılıam Boldýın boldy. Tashkenttegi sporttyq kúresten álem chemponatyna 90 memleketten kelgen 800 sportshy qatysyp jatyr, dep habarlaıdy QR Mádenıet jáne sport mınıstrliginen.
