Halyqaralyq baıqaýshylar: Saılaý ashyq ári tynysh ótti
S.Gromov saılaýdy baıqaý barysynda shet memleketterdiń, halyqaralyq uıymdar men buqaralyq aqparat quraldary ókilderiniń róli óte joǵary ekenin atap ótti.
«Bul saıası oqıǵanyń barynsha kóp sheteldik baıqaýshylardyń qatysýymen ótkeni biz úshin mańyzdy boldy», - dedi tóraǵanyń orynbasary.
P.Kabare táýelsiz Qazaqstannyń qalyptasýy, Qazaqstan men Frantsııa arasyndaǵy dostyq qatynastardy damytýǵa Elbasy N.Nazarbaevtyń qosqan úlesin joǵary baǵalady.
«Saılaý ýchaskelerinde bolǵan kezde biz saılaý ashyq ári tynysh ótkenine kýá boldyq», - dedi halyqaralyq baıqaýshy.
Ol Qazaqstanda syrtqy saıası baǵyttyń sabaqtastyǵy saqtalyp, Qazaqstannyń Tuńǵysh Prezıdenti bastaǵan barlyq reformalar jalǵasatynyna senim bildirdi.
Taraptar eki eldiń parlamentaralyq ózara is-qımylynyń, saýda-ekonomıkalyq jáne mádenı-gýmanıtarlyq áriptestiginiń ózekti máselelerin talqylady.
P.Kabare qazirgi kezde qazaqstandyq ushqyshtardy Týlýzanyń azamattyq avıatsııa ýnıversıtetinde oqytý máselesi sheshilip jatqanyn habarlady.
Budan bólek, Sergeı Gromov RF Federaldyq Jınalysy Federatsııa Keńesi Tóraǵasynyń orynbasary Ilıas Ýmahanov bastaǵan TMD PAA-nyń halyqaralyq baıqaýshylar delegatsııasyn qabyldady.
S.Gromov Qazaqstan Respýblıkasy Prezıdentiniń kezekten tys saılaýyndaǵy úılesimdi jumysy úshin TMD PAA-nyń halyqaralyq baıqaýshylaryna alǵysyn jetkizdi jáne «Ashyq jáne ádil saılaý ótkizý bizdiń negizgi ustanymymyz boldy» dep atap ótti.
I.Ýmahanov baıqaýshylardyń jumysyna jaqsy jaǵdaı jasaǵany úshin rızashylyǵyn bildirdi.
Saılaý nátıjeleri týraly aıta kelip, ol Qazaqstan Prezıdentiniń kezekten tys saılaýyna oraı pikir bildirdi.
«Qazaqstan halqy jeńimpaz atandy. Qazaqstannyń Tuńǵysh Prezıdenti - Elbasy N.Á.Nazarbaev bolashaqqa senimmen qaraýǵa múmkindik beretin pármendi tetik jasady», - dedi Ýmahanov.
Taraptar sondaı-aq tıimdi yntymaqtastyqtaǵy parlamentaralyq únqatysýdyń mańyzdy róldi atap ótip, ekijaqty qarym-qatynastardy tereńdetý máselelerin talqylady.
