Halyqaralyq «Bastaý» kınofestıvaliniń jeńimpazdary anyqtaldy (FOTO)
ALMATY. QazAqparat- Almatyda 5-shi Halyqaralyq «Bastaý» kınofestıvaliniń jeńimpazdary anyqtaldy. Oǵan kıno salasynda oqıtyn stýdent jastardyń jumystary usynylǵan bolatyn.
Vıktor Merejko, Anna Vılgelmı, Erlan Nurmuhambetov, Maks Djeıkobı jáne Anastasııa Makeeva syndy kıno salasy mamandarynan quralǵan qazylar alqasy úzdik kınotýyndylardy atady.
Sonymen, rejısser Aman Ajımattyń (Qyrǵyzstan) «Dene shynyqtyrý muǵalimi jáne altyn» fılmi Gran-prı júldesine ıe boldy. Al «Eń úzdik kórkem fılm» júldesine ıAna Skopınanyń «Sen judyryǵyńda bir nárseni jasyryp tursyń» dep atalatyn kartınasy laıyq dep tabyldy. Anastasııa Zverkovanyń «Jerlesi» bolsa, «Eń úzdik derekti fılm» atandy. Sonymen qatar, «Eń úzdik anımatsııalyq fılm» júldesi Alena Rebezovanyń «Dolesý», «Eń úzdik stsenarıı» júldesi Anna Goroıannyń «Dáriger» jáne «Eń úzdik operatorlyq jumys» júldesi rejısser Dıana Avhadıeva men operator Artem Sadovnıkovtyń «Qýyrshaq» kartınasyna buıyrdy (barlyǵy Reseıden).
«Eń úzdik áıel roli» júldesi rejısser Nımrod Itkınniń (Izraıl) «Kóleńkede eshteńe óspeıdi» fılmine túsken aktrısa Janna RazBorer ıe boldy. Al «Eń úzdik er adam roli» júldesi rejısser Saıat Ahmetsháriptiń (Qazaqstan) «Sýperment» fılmine túsken akter Ádil Moldabekovqa buıyrdy.
Ratmır Nazarovtyń (Qazaqstan) «Mahabbat» fılmi men Kırıll Pletnevtyń (Reseı) «Nastıa» fılmi qazylar alqasynyń arnaıy júldelerine ıe boldy.
Budan basqa, quramynda jas mamandar: Alisher Ábdisattarov, Oljas Ermekbaev, Begimaı Mókeeva, Emma Hellebau ı Ótegen Názıra bar Halyqaralyq stýdenttik qazylar alqasynyń Gran-prı júldesi «Sen judyryǵyńda bir nárseni jasyryp tursyń» fılmine berildi. Osylaısha, Búkilreseılik memlekettik kınematografııa ýnıversıtetiniń stýdenti, Qazaqstanda týyp-ósken ıAna Skopına «Bastaý-2015» festıvaliniń eki júldesine ıe boldy.
Aıta ketelik, «Bastaý» kınofestıvali ústimizdegi jyly 21-25-shi qazan aralyǵynda Almatyda ótti. Oǵan álemniń 20 elinen 170-ke jýyq kınokartına usynyldy.
Al festıvaldiń baǵdarlamasyna stýdentterdiń 60 jumysy qabyldandy. Almaty qalasynyń turǵyndary men qonaqtary bes kún boıy qala kınoteatrlarynda jastardyń zamanaýı fılmderin tegin tamashalady.
