Halyqaralyq basketbol qaýymdastyǵynyń (FIBE) bas hatshysy azııalyq Middle aımaǵyn ekige bólýdi usyndy
ALMATY. Naýryzdyń 5-i. QazAqparat /Erbol Azanbek/ -Halyqaralyq basketbol qaýymdastyǵynyń (FIBE) bas hatshysy Patrık Baýman Qazaqstanda jumys saparymen júr. Búgin ol Almatyda Qazaqstan, Ózbekstan, Tájikstannyń basketbol qaýymdastyǵynyń ókilderimen kezdesti,
dep habarlaıdy QazAqparat.
Kezdesý barysynda Ortalyq Azııada basketboldy damytý, bul baǵytta birlesken is-sharalardy júzege asyrý máseleleri sóz boldy. «Qazirgi tańda álemde basketbol qatty damyp keledi. Osy baǵytta Ortalyq Azııa memleketterin de kóshbasshylar qatarynan kórgimiz keledi», deıdi ǴІVE basshysy. Ol sózinde Ortalyq Azııa memleketteri arasynan Qazaqstannyń múmkindiginiń mol ekendigine toqtaldy. Sondaı-aq Ortalyq Azııanyń 5 memleketi Qazaqstan, Qyrǵyzstan, Tájikstan, Ózbekstan, Túrikmenstannyń ózara top quryp, Azııalyq Middle aımaǵynan bólinýin usyndy. Onyń usynysy boıynsha aııalyq Middle aımaǵy Ortalyq jáne Ońtústik-batys aımaǵyna bólinýi tıis.
«5 memleket ózara top quryp aımaqtyq chempıonat ótkizip, birlesken is-qımyldar jasasa basketboldy damytý jyldam júzege asar edi», dedi P.Baýman. Ol bul baǵytta halyqaralyq qaýymdastyq tarapynan barlyq kómektiń bolatynyn atap ótti.
Kezdesýge qatysqan Ortalyq Azııa memleketteri basketbol qaýymdastyǵynyń ókilderi usynysty qoldap, bunyń úlken múmkindik beretinin aıtty. Kezdesý erteń de jalǵasady. Eger keıbir máseleler sheshimin tapsa, onda kezdesý qorytyndysy boıynsha Azııanyń Middle aımaǵy bólinetin bolady.
