Halyqaralyq basketbol federatsııasy áıelderge hıdjabpen oınaýǵa ruqsat berdi
ASTANA. QazAqparat - Basketbol halyqaralyq federatsııasy (FIBA) sportshy qyzdardyń syrtqy túrlerine baılanysty erejelerdi ózgertip, jarystarǵa hıdjab kıip qatysýǵa ruqsat berdi, dep habarlaıdy «QazAqparat» HAA tilshisi.
«Keıbir elderde betin jaýyp júrýdi talap etetin bolǵandyqtan, burynǵylaryna sáıkes kelmeıtin jańa erejeler qabyldandy», - delingen FIBA málimdemesinde.
Revolıýtsııalyq jańalyq qazirdiń ózinde maquldanyp, aǵymdaǵy jyldyń 1 qazanynan bastap óz kúshine enedi, buǵan deıin kıimniń bul túrine alańdaǵy oıynshylardyń qaýipsizdigin qamtamasyz etý úshin tyıym salynǵan.
2014 jyldyń qyrkúıek aıynda alańda hıdjab kııýge tyıym salynǵandyqtan Katardyń basketboldan áıelder quramasy Azııa oıyndaryna qatysýdan bas tartqan bolatyn.
