Halyqaralyq bank Qazaqstanda jumys oryndaryn yntalandyrý jobasyna 100 mln dollar bólmek

ASTANA. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasy men Halyqaralyq Qaıta Qurý jáne Damý banki arasyndaǵy qaryz týraly kelisimdi (Eńbek daǵdylaryn damytý jáne jumys oryndaryn yntalandyrý jónindegi joba) ratıfıkatsııalaý týraly» QR Zańyn qabyldady. Atalǵan kelisim 2015 jyldyń 20 shildesinde Astana qalasynda jasalǵan.

Kelisimniń maqsaty - jumyspen qamtý men nysanaly benefıtsıarlardyń eńbek daǵdylary salasyndaǵy nátıjelerdi jaqsartý men tehnıkalyq jáne kásiptik bilim berýdiń, oqytýdyń jáne joǵary bilim berý baǵdarlamalarynyń ózektiligin arttyrý. Bul rette jobanyń quny 137 mln AQSh dollaryn quraıtyn bolady, onyń ishinde qaryzdardy respýblıkalyq bıýdjetten qosa qarjylandyrý 37 mln. dollar, al syrtqy qaryz 100 mln. dollardy quraıtyn bolady. Jobany 2020 jyldyń 30 maýsymyna deıin aıaqtaý josparlanǵan.

ıAǵnı, Kelisimge sáıkes, Halyqaralyq Qaıta Qurý jáne Damý banki Qazaqstanǵa Eńbek daǵdylaryn damytý jáne jumys oryndaryn yntalandyrý jónindegi jobany qarjylandyrýǵa 100 mln AQSh dollary somasynda qaryz beretin bolady.

Qaryzdy óteý merzimi bes jyldyq jeńildik kezeńin qosa alǵanda, 19 jyldy quraıdy. Bul rette tólenýge tıis birjolǵy komıssııa qaryz somasynyń 0,25 paıyzyn quraıtyn bolady.

Jobany iske asyrý táýelsiz baǵalaý júıesin jáne biliktilikti sertıfıkattaýdy engizýdi jáne jetildirýdi kózdeıdi. Budan bólek, jumyspen qamtý qyzmetterin jaqsartýdy, eńbekke qabiletti halyqty oqyp-úıretýge qoljetimdilikti keńeıtý qarastyrylady.