Halyqaralyq balalardy qorǵaý kúnine arnalǵan sharalarmen 3 mln. astam jetkinshek qamtylady - QR BǴM
ASTANA. 28 mamyr. QazAqparat - Halyqaralyq balalardy qorǵaý kúnine arnalǵan sharalarmen respýblıka boıynsha 3 mıllıonnan astam bala qamtylady.
Mereke tusynda respýblıkada «Biz - Qazaqstan balalarymyz! Biz jańa álemde ómir súremiz!» búkilqazaqstandyq aktsııasy ótedi. Onyń sheńberinde respýblıkalyq kólemde 500-den astam shara uıymdastyrý josparlanýda. Bul kúnderi aımaqtardaǵy barlyq ortalyq alańdar, stadıondar, saıabaqtar men saraılar búldirshinderdń quzyrynda bolady.
Atap aıtqanda, 1-3 maýsym kúnderi jetim nemese ata-analarynyń qamqorlyǵynsyz qalǵan balalar arasynda «Tań Sholpan» mýzykalyq baıqaýy, 1-12 maýsym aralyǵynda «Bala eńbegin qanaýǵa qarsy 12 kún» VI Ulttyq aqparattyq naýqany, 1 maýsymda Astanada múmkindigi shekteýli balalar arasynda «Juldyzaı» festıvali ótpek.
Sonymen qatar elimizdiń barlyq óńirinde «Qazaqstan jazýshylary - balalarǵa» merekelik is-sharasy, «Qazaqstan balalary sportty tańdaıdy!» sporttyq aktsııasy ótkiziledi.
«Barlyq sharalar qazaqstandyq balalar men ata-analarǵa qýanysh syılaıdy degen senimdemin», - deıdi QR Bilim jáne ǵylym mınıstrligi Balalar quqyǵyn qorǵaý komıtetiniń tóraǵasy Raısa Sher.
