Halyqaralyq balalardy qorǵaý kúni aıasynda qazaqstandyq dárigerler turǵyndarǵa tegin keńester beredi
QR DSÁDM habarlaǵandaı, atalǵan is-sharalar bıyl «Balalardyń densaýlyǵy men baqyty - bizdiń qolymyzda» uranymen ótetin Halyqaralyq balalar qorǵaý kúnine arnalady.
Sonymen qatar, respýblıka óńirlerinde jasóspirimderdiń densaýlyǵyn saqtaý jáne nyǵaıtý, reprodýktıvtik quqyqtaryn qorǵaý máseleleri boıynsha dóńgelek ústelder, debattar jáne semınar-trenıngter ótedi. MSAK uıymdarynda «Náresteli bolamyn» jáne «Jaryq dúnıe ǵajaıyby - qýanyshymmen bólisińiz» taqyrybynda bolashaq analarǵa arnalǵan fotobaıqaýlar ótkizý josparlanǵan.
Halyqaralyq balalardy qorǵaý kúni - adamgershilikti jáne ádiletti qoǵam qalyptastyrý úshin qajetti sharalar retinde balalardyń ómirge, pikir erkindigine, dinge, bilim alýǵa, demalysqa jáne bos ýaqytqa degen quqyqtaryn saqtaý, dene jáne psıhologııalyq zorlyqtan, balalar eńbegin paıdalanýdan qorǵaý qajettigi týraly úlkenderdiń esine salý bop tabylady.
Eske sala keteıik, Balalardy qorǵaý kúni - erteden kele jatqan halyqaralyq merekelerdiń biri. Ol 1950 jyldan beri jazdyń alǵashqy kúni atap ótiledi.