Halyqaralyq baǵdarlamalar ortalyǵy respýblıka oblystarynda kóshpeli kezdesýler ótkizedi
ASTANA. Mamyrdyń 6-sy. QazAqparat - Elimizdiń birqatar óńirlerinde Qazaqstan Respýblıkasy Prezıdentiniń «Bolashaq» halyqaralyq stıpendııasyna úmitkerlerge tolyq málimetterdi jetkizý maqsatynda «Halyqaralyq baǵdarlamalar ortalyǵy» AQ kóshpeli kezdesýler ótkizedi.
Atalǵan kezdesýler Qazaqstannyń 14 oblysy men Astana jáne Almaty qalalarynda ótedi. Іs-sharanyń maqsaty - Qazaqstan Respýblıkasy Prezıdentiniń «Bolashaq» halyqaralyq stıpendııasyna úmitkerlerge 2010 jylǵy qabyldaý konkýrsynyń sharttarymen tanystyrý, irikteý erejesin túsindirý.
Mundaı kóshpeli kezdesýler úmitkerlerdiń qujattaryn qabyldaý naýqany barysynda júrgiziledi jáne buǵan deıin Petropavl, Qyzylorda, Qostanaı qalalarynda ótti.
Qazirgi ýaqytta «Bolashaq» baǵdarlamasy aıasynda álemniń 27 elinde 3000-ǵa jýyq stıpendıat bilim alýda. 17 jyl ishinde 2176 qazaqstandyq shetelde bilim alyp, elge oraldy.
