Halyqaralyq áıelderi kúni merekesi qarsańynda elordadaǵy isker áıelder bas qosty
Astanadaǵy eń belsendi klýbtar sanatyna enetin atalmysh uıymdar ózderiniń qyzmeti jaıynda tanystyrylymdar jasap, bıyl klýb qataryna qosylǵan jańa múshelerin tanystyrdy, dep habarlaıdy QazAqparat.
«8-shi naýryz merekesi aldynda bas qosyp, barlyǵymyz ortaq bir sharanyń aıasynda kezdessek durys bolar dep sheshtik. Sonyń ishinde árbir klýbtyń tanystyrylymyn jasap, onyń jumysy men qyzmeti jaıly maǵlumat alsaq, aldaǵy maqsattary men mindetteri qandaı, quramyndaǵy áıelder kimder ekenin bilsek degen maqsatpen jınaldyq», deıdi «Tomırıs» klýbynyń vıtse-prezıdenti, senator Svetlana Jalmaǵambetova.
Elordadaǵy áıelder uıymynyń ishindegi eń úlkeni «Tomırıs» klýby, onyń qurylǵanyna 12 jyl toldy. Quramynda 24 áıel: saıasatkerler, dárigerler, pedagogtar, jýrnalıster men kásipkerler bar. «Astana Báıterek» klýbyna 7 jyl, 20 áıel múshe. Klýb elorda áıelderiniń áleýmettik ımıdjin qalyptastyrý baǵytynda jumys jasap keledi. Al «Jibek» klýby osylardyń arasyndaǵy eń jasy, oǵan bıyl 5 jyl bolady. Músheligine depýtattar men kásipker hanymdar engen.
Áıelderdiń aıtýynsha, saıasat minberlerde olar bir-birine demeý jasap otyrady.
Sharanyń eń mártebeli qonaqtary qatarynda Memlekettik basqarý akademııasynyń akademıgi Zınaıda Fedotova, Qazaqstannyń halyq aqyny Farıza Ońǵarsynova, Qazaqstannyń Halyqty áleýmettik qorǵaý eks-mınıstri, QR Parlamenti májilisiniń burynǵy depýtaty Záýre Qadyrova boldy. Klýb músheleriniń oıynsha, óz ýaqytynda osy úsh áıel eldiń damýyna jáne memlekettiliginiń qalyptasýyna úlken úlesterin qosyp, eren eńbekterin salyp ketti.
