Halyqaralyq áıelder merekesi kezinde Beeline abonentteri bir-birin 63,99 mln. ret quttyqtady
ALMATY. 13 naýryz. QazAqparat - Beeline saýda belgisimen jumys jasaıtyn «KaR-Tel» kompanııasynyń abonentteri Halyqaralyq áıelder merekesi kúni 63,99 mln. qońyraý soǵyp, 137 mln.mınýttan astam ýaqyt habar almasty.
Bul kórsetkish ótken jylmen salystyrǵanda 11 paıyzǵa jáne ádettegi jaı kúngi kórsetkishten 40 paıyz joǵary. Qońyraý soǵýdyń eń joǵary kórsetkishi - kúndizgi saǵat 11-de oryn aldy. Onda 5 231 721 qońyraý shalyndy. Al SMS jáne MMS-habarlama túrindegi quttyqtaýlar sany 12 mıllıonnan asty. Bul kórsetkish ótken jylǵymen salystyrǵanda 2 paıyzǵa joǵary jáne kúndelikti joldanatyn habarlamalar kóleminen 2,8 esege artyq. «KaR-Tel» JShS PR menedjeri Anar Jumaǵulovanyń aıtýynsha, Halyqaralyq áıelder kúni joldanǵan SMS/MMS habarlamalar kólemi 31 jeltoqsandaǵy habarlamalar kóleminen 11 paıyzǵa joǵary boldy. Sondaı-aq 2012 jylmen salystyrǵanda bıylǵy meıram kúni mobıldi ınternet-trafık kólemi 2,3 esege ósip otyr.
«Ádette biz meıram kúnderiniń qorytyndysy boıynsha statıstıkalyq kórsetkishterdi salystyramyz. Aıtalyq, árbir habarlama bir qaǵaz ashyq hatty almastyratyn bolsa, Beeline abonentteri 8 naýryzda 120 tonna qaǵazdy únemdep, 6000 aǵashty kesilýden saqtap qaldy. Taǵy bir qyzyq jaǵdaı: SMS-mátininiń jalpy uzyndyǵy Shekspırdiń «Romeo jáne Djýletta» pesasynan 19 esege asyp tústi», - deıdi A.Jumaǵulova.
