Halyqaralyq aýyr atletıka federatsııasy jańa salmaq dárejelerin bekitti
ASTANA. QazAqparat - Halyqaralyq aýyr atletıka federatsııasynyń (IWF) atqarýshy komıteti aýyr atletıka sportyndaǵy jańa salmaq dárejelerin bekitti. Sondaı-aq, Tokıo-2020 baǵdarlamasyndaǵy Olımpıada oıyndarynda sportshylar óner kórsetetin jeti salmaq dárejesi maquldandy, dep habarlaıdy QazAqparat Federatsııaǵa silteme jasaı otyryp.
Bul týraly Qazaqstan aýyr atletıka federatsııasynyń resmı saıtynda aqparat taratyldy. Belgili bolyp otyrǵandaı, erler aýyr atletıka sportynda budan bylaı 55 kelige deıin, 61, 67, 73, 81, 89, 96, 102 jáne 109 kelige deıin, 109+ keliden joǵary salmaqta óner kórsetetin bolady. Olardyń ishinde Olımpıada oıyndaryna: 61, 67, 73, 81, 96, 109 kelige deıingi jáne 109+ keliden joǵary salmaqtar enedi.
Al áıelder budan bylaı aýyr atletıkada 45, 49, 55, 59, 64, 71, 76, 81, 87 kelige deıingi jáne 87+ keliden joǵary salmaq óz elderiniń namysyn qorǵaı alady. Al bul salmaqtar ishinde Olımpıada oıyndaryna 49, 55, 59, 64, 76, 87 kelige deıingi jáne 87+ keliden joǵary salmaqtar enedi.
