Halyqaralyq áýejaıda el aýmaǵyna áshekeı buıymdardy zańsyz alyp ótpek bolǵan azamatsha ustaldy
ALMATY. 23 aqpan. QazAqparat - Keshe qalalyq Kedendik baqylaý departamentiniń qyzmetkerleri jedel izdestirý sharalaryn júrgizý barysynda 1974 jyly týylǵan bir azamatshany ustady.
Almaty halyqaralyq áýejaıynda kedendik baqylaýdan ótkennen keıin, «Shardja - Almaty» áýe reısin tirkeý barysynda qolǵa túsken kúdiktiniń júkterin qaıta tekserý kezinde qol sómkesinen kedendik rásimdeýden ótpegen 94 dana ıis sý, sary metaldan jasalǵan 18 dana bilezik, 7 dana syrǵa, 8 dana sholpy jáne 4 dana áıelderge arnalǵan ashyq tústi tastary bar saqınalar, 22 dana ártústi tastardan áshekeılengen dońǵal syrǵa jáne 1 dana erlerge arnalǵan qol saǵaty tabyldy. Departamenttiń baspasóz qyzmetiniń habarlaýynsha, qazirgi tańda bul jáıt boıynsha tergeýge deıingi tekserý jumystary júrgizilýde.
