Halyqaralyq áýesqoı boks qaýymdastyǵynyń prezıdenti: rahmet Almaty, rahmet Qazaqstan!
ALMATY. 26 qazan. QazAqparat - Ózderińiz kýá bolǵandaı bul Álem chempıonaty óte joǵary deńgeıde ótti. Bul týraly Halyqaralyq áýesqoı boks qaýymdastyǵy prezıdenti Chıng-Kýo Vý búgin Almatydaǵy Balýan Sholaq atyndaǵy sport saraıynda aıaqtalǵan dúbirli dodanyń jabylý saltanatynda aıtty.
«Dúnıejúzinen jınalǵan bylǵary qolǵap sheberleri joǵary deńgeıde óner kórsetti. Sharany uıymdastyrýǵa atsalysqan eń aldymen Qazaqstan boks federatsııasyna jáne oǵan kómektesken búkil uıym ókilderine, jankúıerlerge, eriktilerge shyn júregimnen alǵys bildirgim keledi. Álem chempıonatynyń barlyq jeńimpazdary bizdiń batyrlarymyz», - dedi Chıng-Kýo Vý. Qaýymdastyq basshysynyń aıtýynsha, eresekter arasyndaǵy kelesi Álem chempıonaty 2015 jyly Katarda ótetin bolady. Ony barsha sport súıer qaýym asyǵa kútetin bolady.
