Halyqaralyq áskerı oıyndarda qazaqstandyqtar 14 eldi basyp ozdy

ASTANA. QazAqparat - 12 tamyz kúni Qazaqstan Respýblıkasy Qarýly Kúshteriniń áskerı qyzmetshileri aldyn ala qorytyndysy boıynsha halyqaralyq armııalyq oıyndarynda jalpy toptar arasynda úshinshi oryndy ıelendi.

Bul týraly QR QM baspasóz qyzmeti habarlady.

Qazaqstandyq áskerı qyzmetshilerden quralǵan top on úsh baıqaýdyń nebary tórt túri boıynsha ǵana saıysqa tústi, atap aıtsaq, tank bıatlony, avıadarts, Kaspıılik derbı jáne Kaspıı kýbogy. Degenmen, qazaqstandyq áskerıler saıystyń tórt túrine ǵana qatysqanyna qaramastan, olar ózderi synǵa túsken baıqaýlardan ǵana emes, 17 memleketten qatysqan 57 top arasynda jalpy toptyq esepte kóshbastaýshy oryndy ıelenip otyr.

Birinshi orynda turǵan Reseı Federatsııasy 13 saıystyń barlyǵyna, al ekinshi oryndaǵy - Qytaı 12 baıqaýǵa qatysýda. Tórtinshi orynda - Belarýs (9 baıqaýǵa qatysýda), besinshi - Venesýella (4 baıqaýǵa qatysýda) komandasy.

Búgin Alabıno polıgonynda bizdiń tankishiler «Tank bıatlony» baıqaýynyń jartylaı fınalyndaǵy tartysty jalǵastyratyn bolady. Jeke saıysty bastar aldynda Qazaqstan men Reseı arasyndaǵy negizgi tartys bastalǵan bolatyn. Eki eldiń ekıpajdary birneshe upaı aıyrmashylyqtary bolǵanymen, is júzinde birdeı keldi. Búgingi estafetada «Tank bıatlony-2015» baıqaýynyń eń myqty jalǵyz jeńimpaz toby anyqtalatyn fınalyna qatysýshylar belgili bolmaq.