Halyqaralyq art-forým óz jumysyn bastady
ASTANA. 19 qarasha. QazAqparat - Astana qalasynda Beıbitshilik pen kelisim saraıynda "Qulanshy"VІІ halyqaralyq art-forýmy óz jumysyn bastady. Bul týraly elordanyń resmı saıtynan habarlady.
Bıylǵy jyly ekspozıtsııa Qazaqstan Respýblıkasynyń Tuńǵysh Prezıdenti Kúnine arnalyp otyr. Іs-sharaǵa Qazaqstan, Italııa jáne Ázirbaıjannyń sýretshileri qatysýda. Kórermender nazaryna planshetti grafıka men ýltra-realızm stılinde oryndalǵan kartınalar usynylǵan. Italııa sýretshisi Ron dı Skenza forýmǵa arnaıy óziniń Taım jýrnalynyń syrtqy betinde jarııalanǵan Elbasynyń portretin alyp kelipti. Kórmedegi jumystarymen qatar tanymal sýretshiler óziniń qazaqstandyq áriptesterimen, Óner ýnıversıtetiniń stýdentterimen kezdesip, sheberlik-klastar ótkizdi.
