Halyqaralyq Armııa oıyndarynda Qazaqstan komandasy kósh bastap tur

OTAR. QazAqparat - «Otar» 40-shy áskerı bazasynda Halyqaralyq Armııa oıyndary jalǵasyp jatyr, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Baıqaýdyń «Artıllerııalyq atys sheberleri» kezeńiniń nátıjeleri boıynsha, QR Qarýly Kúshteriniń komandasy birinshi oryndy ıelenip tur. Olardyń izin ala Belarýs, úshinshi orynda reseılik qurama keledi.

Baıqaýdyń birinshi «Qus salý» kezeńiniń úshinshi tapsyrmasy boıynsha da Qazaqstannyń áskerı qyzmetshileri birinshi oryndy eshkimge bergen joq, ekinshi orynda taǵy da Belarýs komandasy. Qalǵan komandalar búgin, 3 tamyzda jarysqa kirisedi.

Búgin, sondaı-aq «Senimdi tásil» Halyqaralyq konkýrsyna start beriledi.