Halyqaralyq armııa oıyndary tamyzda Qazaqstanda ótedi
- Abaı Sáýmenuly, tamyz aıynda el aýmaǵynda halyqaralyq armııa oıyndary aıasynda «Taktıkalyq mergen» saıysy ótedi. Oıyndar qalaı jáne qaı jerde ótedi, onyń sharttary qandaı?
- 2022 jyly armııa halyqaralyq oıyndary sheńberindegi «Taktıkalyq mergen» saıysy osy jyly Qaraǵandy oblysyndaǵy «Spassk» oqý-jattyǵý polıgonynda ótedi. Bekitilgen ereje jáne tártip boıynsha konkýrsqa qatysýshy el negizgi top retinde on adamdy taǵaıyndap, onyń ishinde ár túrli mamandarmen bizge jiberý kerek.
Shart boıynsha qatysýshy el on adamdy iriktep jibergennen keıin, olar tórt konkýrstyń aıasynda ótkiziletin tórt kezeńge qatysýǵa daıyn bolýy kerek. Birinshi kezeń barysynda jeke dara daıyndyǵy tekseriledi. Ár mergen qysqa merzim ishinde nysanany aıqyndaı bilýi jáne ony joıa bilýi kerek.
Ekinshi kezeń barysynda, jaýyngerlik juptardyń ózara is-qımyl jasaı bilý deńgeıi tekseriledi. Úshinshi kezeń barysynda top quramynda is-qımyl jasaý kerek. Tórtinshi kezeń - konkýrstyń erejesinen tys «Dýel» atty synaq.
- Baıqaý erejesi men krıterııleri jaıly aıtyp ótseńiz.
- Bekitilgen ereje boıynsha tórt kezeńniń barysynda eń áýeli qaýipsizdik sharalaryna basa nazar aýdarylady. Odan keıin jaǵdaıdy tez synap, nysanany belgilep, ony joıý kezinde neǵurlym az ýaqyt jumsasa, soǵurlym upaıy joǵary bolady. Konkýrsty ashyq ótkizý jáne baǵa berý úshin ákimshilik jáne tóreshiler bekitilgen.
- «Taktıkalyq mergen» saıysyna qatystyn elderdi aıtyp ótseńiz.
- Bul suraqqa jaýap bermes buryn, tarıhyna úńilsek. «Taktıkalyq mergen» saıysy armııalyq halyqaralyq oıyndary aıasynda ótkizilip jatqan ekinshi konkýrs. Birinshi ret ótken jyly Reseı Federatsııasyndaǵy Rıazandaǵy oqý-jattyǵý polıgonynda ótkizilgen bolatyn. Ol jerde bizdiń qurama úshinshi oryn alǵan.
Osy jyly Qazaqstan Respýblıkasynda ótkizý týraly sheshim qabyldanǵannan beri 12 el nıet bildirdi. Onyń ishinde Orta Azııa elderinan atap ótsek Ózbekstan, Tájikstan jáne ózimizdiń Qazaqstan Respýblıkasy. Odan bólek Reseı Federatsııasynyń quramasy, Qytaı Halyq Respýblıkasy jáne Malı, Nıkaragýa sııaqty elder nıetterin bildirgen.
- Abaı Sáýmenuly, qazaqstandyq áskerı qyzmetshilerde taý bólimsheleri arasynda ótetin «Elbrýs sheńberi» konkýrsyna qatysatyny bárine málim. Osy baıqaý týraly tolyǵyraq aıtyp ketseńiz.
- 2016 jyldan beri Armııa halyqaralyq oıyndary sheńberinde ótkizilip otyrǵan «Elbrýs sheńberine» osy jyldy qosyp sanasaq altynshy ret qatysýdamyz. 6 jyldan beri bizdiń qurama júldeli oryndardy ıelenip keledi.
Qurama irikteýden ótkizilip, Almaty oblysynda ornalasqan Taý daıyndyǵy ortalyǵynda búgingi kúnde konkýrsqa qatysýǵa daıyn. Nıet bildirýshiler sany osy joly toǵyzdan astam. Saıystyń erejeleleri boıynsha quramanyń toby 20 adam bolýy kerek.
Onyń nigizgi toby 12, qosalqy toby 8 adam bolýy kerek. Sol toptar aıqyndalǵannan keıin, Reseı Federatsııasynda ornalasqan Kabardın-BalqardaRespýblıkasyndaǵy Taý daıyndyǵy ortalyǵy «Teris kólge» jóneltýge daıynbyz.
- Jańaǵy aıtyp ótken konkýrstarǵa qatysatyn bizdiń áskerı qyzmetshiler budan qandaı tájirıbe alady?
- Oryndy suraq. Bizdiń Qarýly kúshteriniń ókilderi onyń ishinde mamandarymyz, arnaıy operatsııa qolbasshylary jáne basqada qatysýshylar birinshi orynda halyqaralyq yntymaqtastyqty arttyrý maqsatyn oryndaıdy. Kórshi elderdiń qarýly kúshetrimen tájirıbe almasady. Sonymen qatar, otandyq qorǵanys ónerkásip ónimderin qoldana bilý tájirıbesin aıqyndaıdy.
- Al, endi Qazaqstan Qarýly kúshteri komandalarynyń daıyndyq deńgeıine kelsek, oǵan qandaı baǵa berer edińiz? Jalpy bizdiń jaýyngerlerdiń irikteý jáne daıyndyq protsesi qalaı ótip jatyr?
- Eki konkýrs týraly aıtatyn bolsaq, joǵaryda aıtyp ótkendeı «Elbrýs sheńberi», «Taktıkalyq mergen» konkýrstaryna qatysý úshin óte kúrdeli jáne keshendi irikteýden ótkizdik. Ol bir kún emes, bir aı emes, birneshe aıda bizdiń jaýyngerler óz áskerı bóliminen jeke dara bolyp, jeńip shyqty. Odan keıin óńirlik qolbasshylyqtardyń aýmaǵynda ótkizilgen konkýrstarda jeńip, búginde halyqaralyq konkýsqa qatysýǵa daıyn.
