Halyqaralyq arbıtraj ortalyǵy ınvestorlar úshin jańa qyzmetti iske qosty
Resmı jıynnyń ashylýynda sóz sóılegen HAO jáne AQHO Soty apparatynyń Basshysy jáne Tirkeýshisi Krıstofer Kempbell-Holt myrza aǵylshyn sotynyń negizinde jumys jasaıtyn ortalyqtyń ashylýy qazaqstandyq qana emes, sondaı-aq álemdik ınvestorlar úshin de asa mańyzdy dedi.
- Biz búgin halyqaralyq arbıtraj ortalyǵynda «Arbıtraj jáne medıatsııa» dep atalatyn jańa ınnovatsııalyq qyzmetimizdi iske qosý úshin jınaldyq. Ótken jyly HTO Tóraǵasy Barbara Domanmen birge Azııanyń birneshe elin araladyq, sol ýaqytta damý jaǵynan sizderdiń eldiń qarqyny bizdi tańǵaldyrdy. Qazaqstanda Eýrazııa men barsha álem úshin erekshe bolatyn ortalyqty damytqymyz keledi. Sol sebepti búgingi ashylǵaly otyrǵan jańa júıe shynymen ınnovatsııaly bolyp, eń sońǵy tehnıkalyq múmkindikterdi ıelenedi dep sanaımyz,-dedi ol.
Sonymen qosa, Tóraǵa HAO maqsaty - Eýrazııada daýlardy balamaly jolmen sheshýde kóshbasshy ataný ekenin málimdedi.
«HAO maqsaty - Eýrazııada daýlardy balamaly jolmen sheshý úshin nómiri «birinshi» tańdaý bolyp tabylady. Arb-Med - bizdiń eń jańa bastamamyz, biz ony búgingi tańda qýana otyryp iske qosamyz. Biz sondaı-aq HAO-da taraptardyń daýlardy múmkindiginshe jyldamyraq jáne tıimdirek sheshýin qamtamasyz etý úshin, Qazaqstanda úzdik halyqaralyq medıatsııa standarttaryn usyný biliktiligi bar medıatorlar qoǵamdastyǵyn damytamyz», - dedi Krıstofer Kempbell-Holt.
Atalǵan kórsetilimge tórelik etýge Italııadan Dr. Stefan Grıgollı, Germanııadan Tomas Krıýmel arnaıy kelgen. Al AHQO sotynyń sýdıasy ser Robın Djeıkob medıator rólin atqardy. Qazaqstan zań qoǵamdastyǵynyń tórt birdeı jetekshi zańgeri tóreshiler men medıatorlarǵa óz dálelderin usyndy.
«Birinshi kezekte, búgingi kórsetilim ózgelerden bólek ekenine nazar aýdarý kerek. Munda jumys isteıtin arbıtrlar men medıatorlardy bizdiń qazaqstandyq arbıtraj mekemelerindegi mamandarmen salystyra almaımyz, sebebi, olar álemdik deńgeıdegi mamandar. Kásibı biliktilikteri men jumys tájirbeleriniń ózi birtóbe. Onyń ústine arbıtraj-medıatsııasyn aǵylshyn zańynyń erejesi boıynsha, aǵylshyn tilinde ótkizý daýly isterdi halyqaralyq quqyq deńgeıinde ótkizip úırengen sheteldik ınvestorlardy tartý úshin taptyrmas múmkindik. Bizdiń ortalyqty damytýǵa úles qosyp jatqan barlyq sýdıalar men arbıtrlar álemdik deńgeıdegi tájirbıeli mamandar. Bolashaqta bizdiń kásibı biliktiligi joǵary mamandarymyzdyń sany ulǵaıatynyna senimdimin. Qazaqstanda turatynymyzdy eskersek, keıbir daýly máseleler qazaqstandyq quqyq negizinde qaralýy múmkin. Sondyqtan qazaqstandyq taraptyń quqyq qorǵaıtyn mamandar bolashaqta arbıtrlar quramynda bolady dep úmittenemin»,-dedi Almaty qalalyq advokattar kollegııasynyń advokaty Sergeı Vataev.
Tórelik-medıatsııa qyzmeti jáne úderistiń jandy tanystyrylymy Eýrazııa aýmaǵyndaǵy halyqaralyq tórelik ortalyǵynda alǵash ret ótkizilýde. Basqa tórelik ortalyqtarda usynylatyn Arb-med qyzmetterinen aıyrmashylyǵy - HAO-da medıatsııa jolymen daýdy sheshý úshin taǵaıyndalǵan medıator, sondaı-aq, tórelik is qaraý sheńberindegi daýdy qaraıtyn tóreshi retinde áreket etpeıdi. Medıator tóreshilerden táýelsiz tulǵa jáne beıtarap deldal bolyp tabylady. HAO Arb-Med qyzmetiniń usynylýy kommertsııalyq daýlardy asa tıimdi jáne ekonomıkadan tys ádispen sheshý boıynsha HAO múmkindigin odan ary nyǵaıtady dep kútilýde.
«Biz 36 qazaqstandyq úshin trenıng ótkizdik. Olar halyqaralyq medıator biliktiligin alý úshin medıatsııa kýrsyn ótti. Olardy oqytý úshin Londonda ornalasqan daýlardy effektili sheshý Ortalyǵynyń trenerlerin Nur-Sultan men Almatyǵa arnaıy shaqyramyz», - dedi AHQO sot apparatynyń tóraǵasy.
Aıta keterligi, HAB-ta kez kelgen qazaqstandyq zańger medıator bola alady. Ol úshin medıatsııanyń tegin kýrsyn ótý nemese ortalyq apparatyna túıindeme jiberý qajet. Medıatsııa joly arqyly kommertsııalyq daýdy sheshýde halyqaralyq tájirbıeńiz bolsa, jańa ortalyqta medıatorlar kollegııasynyń múshesi bolýǵa múmkindik bar.
Qazirgi tańda HAO-da 36 qazaqstandyq oqýdan ótti, olar medıatsııa júrgizý boıynsha oqytý baǵdarlamalarynyń úzdik jetkizýshisi sanalatyn Londondaǵy Daýlardy tıimdi sheshý jónindegi ortalyqpen berilgen medıatordyń halyqaralyq akredıtteýi men biliktiligin ıelenedi. Sońǵy ret mundaı trenıngter aǵymdaǵy jyldyń maýsym aıynda Nur-Sultan jáne Almaty qalalarynda ótkizildi.
