Halyqaralyq Araldy qutqarý qoryna - 20 jyl

ALMATY. 26 naýryz. QazAqparat - QR Prezıdenti N.Nazarbaevtyń bastamasy boıynsha Ortalyq Azııa memleketteriniń basshylary qurǵan Halyqaralyq Araldy qutqarý qoryna (HAQQ) búgin 20 jyl tolyp otyr, dep habarlaıdy HAQQ baspasóz qyzmeti.

1993 jyldyń 26 naýryzynda Qyzylordada ótken sammıtte Ortalyq Azııa memleketteriniń basshylary Aral teńizi jáne Aral jaǵalaýy máselelerin sheshý, aımaqtyń áleýmettik-ekonomıkalyq damýyn qamtamasyz etý jáne ońaltý boıynsha birikken áreketter týraly kelisimdi qabyldady. HAQQ basty maqsaty - birlesken áreketterdi, Aral teńizi basseınin ekologııalyq ońaltý jáne aımaq halqynyń áleýmettik-ekonomıkalyq jaǵdaıyn jaqsartý boıynsha baǵdarlamalyq jobalardy halyqaralyq qaýymdastyq kómegimen qarjylandyrý.

HAQQ Aral daǵdarysynyń zardaptarynan arylý boıynsha úılestirýshi rólin oınaıdy. BUU Damý baǵdarlamasy, BUU Ekologııalyq baǵdarlamasy, ıÝNESKO, Dúnıejúzilik bank, Azııa damý banki, TASIS, sonymen birge Germanııa, Danııa, Izraıl, Kanada, Nıderlandy, AQSh, Shveıtsarııa, Shvetsııa jáne basqa donor elder úkimetteriniń belsendi qatysýymen HAQQ aımaqta áleýmettik jáne ekologııalyq máselelerdi sheshý boıynsha baǵdarlamalar men jobalardy iske asyrady.

Aral jaǵalaýynyń qazaqstandyq bóliginde «Syrdarııa ózeniniń arnasyn retteý jáne Aral teńiziniń soltústik bóligin saqtap qalý» iri kólemdi ulttyq jobasy júzege asyryldy, jumystardyń quny - 85,8 mln. AQSh dollary.