Halyqaralyq «Almaty týry 2014» velojarysynda jankúıerler úshin «belsendilik aımaǵy» uıymdastyryldy

Qazaqstannyń jáne ózderiniń súıikti komandalarynyń jalaýlaryn ustaǵan jankúıerler veloshabandozdar ár aınalymnan ótken saıyn olarǵa qol bulǵap, jalaýlaryn jelbiretip, qyzý qoldaý kórsetip jatyr.

Sonymen qatar, belsendilik aımaǵynda arnaıy sahna jasalyp, oǵan úlken LED-ekran ornatylǵan. Odan jankúıerlerge jáne kórermenderge «Eurosport» sporttyq telearnasynan tikeleı translıatsııa júrgizilýde. Kommentator - atalmysh arnanyń belgili kommentatory Sergeı Kýrdıýkov.

Sondaı-aq búgingi jarysty tamashalaýǵa jınalǵan myńnan astam adamǵa belsendilik aımaǵynda kontserttik baǵdarlamalar, qyzyqty vıktorınalar uıymdastyryldy. Jeńimpazdarǵa estelik syılyqtar tabys etildi. Onyń ústine bul jerde velotrenajerlerde tegin jattyǵýǵa jáne velosportqa qatysty kıimder satyp alýǵa bolady.

Al jarys baǵytynda jol jıekterine jáne jol ústindegi kópirlerge jınalǵan basqa da adamdar, stýdentter veloshabandozdarǵa barynsha qyzý qoldaý kórsetýde.