Halyqaralyq alǵys kúni: Qutqarýshylaryna rahmet «aıtqan» haıýanattar oqıǵasy
ALMATY. QazAqparat - 11 qańtar, Halyqaralyq alǵys kúni - International Thank You Day atap ótiledi. QazAqparat tilshisi ólim aýzynan aman qalǵan janýarlar jáne olardyń qutqarýshylary týraly erekshe oqıǵalardy usynady, dep habarlaıdy QazAqparat.
Almaty zoobaǵyna ótkizilgen birqazannyń oqıǵasy kópshilikti tańǵaldyrdy
Osydan úsh aı buryn jyly jaqqa ushyp bara jatqan jas birqazan, Qostanaı mańyndaǵy Zatobolsk saıajaılarynyń birine qonaqtaǵan. Keıinnen aýlasyndaǵy ekzotıkalyq qusty kórgen Lena Zelenova onyń usha almaıtynyn da baıqaıdy. Qusty jyly úıge kirgizip, tamaqtandyryp, qystap shyǵarmaqshy bolǵan eken. Alaıda úıde jabaıy qusty baǵý múmkin emestigin túsingen soń, ol birqazandy Almaty zoobaǵyna tapsyrýǵa bekinedi. 
Qustyń Almatyǵa jetý oqıǵasy birqatar BAQ-ta jarııalanǵan bolatyn. Baqyldaýyq birqazan Almaty-Qostanaı baǵytyndaǵy poıyzdyń ishin ý-shýǵa da bólegen edi.
Búginde Halıf esimdi birqazan basqa týystaryna qosyldy. Mamandardyń aıtýynsha, birqazandar adamdarǵa tez úırenedi, kóp jatyrqamaıdy.
Óz qutqarýshysyn aımalaǵan aqqý
Brıtan telejúrgizýshisi Rıchard Vız Abbotsberrı qoryǵynda serýendep júrip, baldyrǵa shyrmalyp qalǵan aqqýdy kóredi. Rıchard birden qusqa kómektesip, ony tuzaqtan bosatqan. Alǵys retinde aqqý óziniń qutqarýshysynyń moınyna oralyp, aımalaǵan.
«Jabaıy janýardyń maǵan birden keýdeme orala ketkeni óte tańǵalarlyq jaǵdaı. Ol meni múlde jatsynǵan joq», - dedi brıtan azamaty.
Qutqarýshysyna kún saıyn alǵys aıtatyn buǵy
Norvegııanyń batysynda bir otbasy jabaıy buǵyny ańshylardyń qýdalaýynan qutqaryp qalǵan. Janýar sol jaqsylyqqa alǵys retinde bul úıge kúnde kelip turýdy ádetke aınaldyrypty. Otbasy músheleri buǵyǵa qorek berip turady eken. Al ol bolsa kún saıyn terezege kelip, bári oıanǵansha kútetin kórinedi. Buǵy nandy óte jaqsy kóredi, sondyqtan jergilikti dúkenshiler oǵan 1-2 nandy alyp qalatyn kórinedi.
Qosaıaq
Avstralııanyń Kangaroo Sanctuary Alice Springs zoobaǵynda Ebıgeıl esimdi qosaıaq ómir súredi . Janýardy 5 aılyǵynda adamdar brakonerlerden qutqaryp qalǵan. Sodan beri kengrý osy zoobaqta turady. Sol ýaqyttan beri Ebıgeıl ózin qutqarǵan adamdardy múlde jatsynǵan emes.
ıAgýar
Brazılııa áskeriniń sarbazdary Amazonka djýnglıinen kishkentaı ıagýardyń balasyn taýyp alǵan. Janýar sol kezde ólim men ómir arasynda jatqan edi. Sarbazdar janýardy ózimen birge jataqhanalaryna alyp kelgen. ıAgýar tabıǵat aıasynda ómir súrýge beıimdiligin joǵaltqandyqtan, jergilikti bılik jyrtqyshty sarbazdarmen qaldyrýǵa ruqsat beripti. Qazir Djıkıtaıdyń (ıagýardyń aty) saýyqqan, adamdarǵa mysyq sııaqty erkeleıdi.
