Halyq jazýshysy Ábdijámil Nurpeıisov: estelik adal bolýy kerek
ALMATY. 7 jeltoqsan. QazAqparat - Búgin Almatydaǵy ál-Farabı atyndaǵy Qazaq ulttyq ýnıversıtetinde «V Qabdolov oqýlary» aıasynda «Qazirgi ádebıettaný men folklorıstıkanyń teorııalyq jáne metodologııalyq máseleleri» degen taqyryppen halyqaralyq ǵylymı-teorııalyq konferentsııa ótti.
«Kóptegen estelikterdi oqyp otyrsań, ne ózi, ne shyǵarmasy myqty dep jatady. Estelik adal bolýy kerek. Dosyń týraly jazǵanda, aqıqat, shyndyqty jazý kerek. Zeınollanyń qaıtys bolǵanyna 6 jyl boldy, menen úsh jas kishi bolatyn. Mende dostar kóp boldy, biraq, adamǵa eń qıyn nárse qatar ómir súrgen, qıyndyqta da, qasirette de, qýanyshta da óziń jalǵyz qalǵan qıyn. Adam baqytty bolýy úshin 100 jasaý emes, ómir mańyzdy, maǵynaly, sándi de mándi bolýy úshin dostarymen bolýy kerek» deıdi Ábdijámil Nurpeıisov. Qazaqstannyń Halyq jazýshysynyń aıtýynsha, es bilgeli beri dos bolǵan Zeınolla Qabdolov estet adam. Onyń boıynda jyraýlar, aqyndar shyǵarmalaryn jatqa aıtatyn erekshe qasıeti bolǵan. Ómiriniń sońyna deıin QazUÝ-da ustazdyq qyzmet jasaǵan áıgili ádebıettanýshy ǵalymnyń artynda mol murasy qaldy. Oǵan ózi oqytyp, tárbıelen shákirtterin de qosýǵa bolady.
