Halyq jaǵdaıdy áli tolyq túsinbedi - Infektsıonıst koronavırýstyń ekinshi tolqyny jaıly
NUR-SULTAN. QazAqparat – Qazaqstannyń jetekshi ınfektsıonısi Dınagúl Baesheva qazaqstandyqtardy karantın sharalaryn saqtaýǵa shaqyrdy, dep habarlaıdy QazAqparat tilshisi.
«Bul – tolqyn emes, úrdistiń aǵymy ispettes. Adamdardyń ózi basqarady bul protsesti. Joq bolýy da, tyń qarqynmen údep ketýi de múmkin. Bir-birimizge vırýsty qanshalyqty taratatynymyzǵa baılanysty. Máselen qatań sharalar qabyldanǵan, úıden shyǵarmaǵan kezeńdi alyp qaraıyq. Sol kezde vırýstyń adamnan adamǵa taraıtyny kóp aıtyldy. Kóshede jyly ma, sýyq pa, aıaz ba, aptap ystyq pa – vırýsqa báribir. Sebebi ol adam arqyly taraıdy», - dedi Dınagúl Baesheva telefon arqyly QazAqparat tilshisine.
Ol mamyr aıynda TJ rejımi alynyp tastalyp, karantın engizilgenin eske saldy.
«Adamdar jaǵdaıdy áli tolyq túsinbedi. Bálkim, bizdiń elde mundaı indettiń buryn bolmaǵany da, mundaı sharalardyń eshqashan qabyldanbaǵany da sebep bolǵan shyǵar. Al máselen Sıngapýr, Ońtústik Koreıa sekildi elder SARS-ty da, MARS-ty da ótkergen. Bir aýyz sóz aıtsa boldy, olar dárigerler men epıdemıologtardyń keńesin buljytpaı oryndaıdy. Bizde halyqtyń jartysy shý kóterdi. Ashtan ólgenshe aýrýdan óleıik degender de bar. Qalǵany vırýstyń joqtyǵyn aıtysyp, memleket muny ádeıi istep otyr dep áńgime taratty. ıAǵnı árkim aýzyna kelgenin aıtty. 1 maýsymda karantın men TJ rejımi alynyp tastalyp edi, bári kóshege shyǵyp, qoǵamdyq oryndardy aralap ketti», - deıdi ınfektsıonıst.
Dınagúl Baeshevanyń sózinshe myńdaǵan adam bazarǵa shyǵyp, qydyryp ketken.
«Adamdar eshteńeni tyńdamady, aqparatty qabyldamady. Aqyry bir aptada ǵana naýqastar kúrt kóbeıip, aýrýdy aýyr kóteretinder de ósip ketti. Munyń bári – ınkýbatsııalyq kezeńniń aıaqtalýynan boldy. Eshteńege senbeı, bir-birimen baılanysta, qarym-qatynasta bolǵandar kóbeıdi. Shara uıymdastyryp, adamdarmen baılanysty úzbegen sol adamdardyń birazy qazir aýyr kúıde jatyr. Buryn qabyldanǵan sharalardyń bári bir sátte qırap, aýrýlardyń sany kúrt artyp ketti», - dedi Dınagúl Baesheva.
