«Halyq zańgeri»: elordada advokattar men memlekettik organ ókilderi qala turǵyndaryna quqyqtyq keńes beredi
NUR-SULTAN. QazAqparat - Nur-Sultan qalasynda 16 qyrkúıek kúni «Halyq zańgeri» atty jalpyrespýblıkalyq aktsııa ótedi, dep habarlaıdy elorda ákimdiginiń resmı saıty.
«Halyq zańgeri» respýblıkalyq áleýmettik naýqannyń aýqymyna ıe boldy. Zańgerler, advokattar men memlekettik organ ókilderi qala turǵyndarynyń barlyq suraǵyna jaýap berip, usynystar aıtyp, zań turǵysynan kómektesetin bolady.
Aktsııany uıymdastyrýshylar: QR Sybaılas jemqorlyqqa qarsy is-qımyl agenttigi, «ZAKON.KZ» jelilik basylymy, «Paragraf» aqparattyq júıesi, memlekettik organdar jáne de elimizdiń jetekshi zańgerleri men advokattary.
Nur-Sultan qalasynda is-shara myna mekenjaıda ótkiziledi: Kenesary kóshesi 32, E. Rahmadıev atyndaǵy Memlekettik akademııalyq fılarmonııasy, 1 qabat. Bastalýy: saǵat 16:00.
Aıta keteıik, atalmysh aktsııa elimizdiń barlyq qalasynda uıymdastyrylady.
