Halyq únine qulaq asatyn memleket kez kelgen máseleni talqylaýǵa múmkindik berýi kerek - Aıgúl Soloveva
A. Soloveva memlekettik organnyń qoǵammen ózara is-qımylynda úlgi kórsetkeni úshin Aqparat jáne qoǵamdyq damý mınıstrligine alǵysyn jetkizdi. Osy oraıda ol qoǵamdyq baqylaý týraly Prezıdent Joldaýynda jarııalanǵan qadamdardy ilgeriletý sharlaryna rızashylyǵyn bildirdi.
Onyń aıtýynsha, el Prezıdentiniń qoǵamdyq baqylaýdy zańnamalyq bekitý bastamasy halyq únine qulaq asatyn memleket kontseptsııasymen úılesimdi. Ondaǵy basty tezıs - memleket azamattar múddesin birinshi orynǵa qoıady.
«Halyq únine qulaq asatyn memleket qoǵamdyq qatysý men baqylaýdy qamtamasyz etý úshin sapaly júıemen qatar, kez kelgen máseleni talqylaý bastamasyn jasaý múmkindigin berýi kerek», - dedi A. Soloveva.
Sonymen qatar, Qaraǵandy oblysy boıynsha Azamattyq alıans prezıdenti Gúlnar Qurbanbaeva da qoǵamdyq baqylaýdy zańnamalyq bekitýge qatysty óziniń pikirin bildirdi.
Qoǵamdyq baqylaý baǵytynda sheshim qabyldaý jumysyna toqtalǵan ol, osy oraıda normatıvtik-quqyqtyq akti jobalaryna qoǵamdyq saraptama taqyrybyn kóterdi.
«Bizde bıznes ortada NQA jobalarynyń qoǵamdyq saraptamasy boıynsha 15 jyldyq ońtaıly tájirıbe bar. NQA-nyń mindetti qoǵamdyq saraptamasy qoǵamdyq baqylaýdyń mańyzdy elementteriniń biri bolýy tıis. Qoǵamdyq saraptamany engizý - normatıvtik bazanyń tıimdiligin arttyrý men nátıjeligine óziniń yqpalyn tıgizedi», - dedi ol.
