«Halyq únine qulaq asatyn memleket» is-sharalary onlaın rejimde ótedi - AQDM

NUR-SULTAN. QazAqparat - Qazaqstan Respýblıkasy Aqparat jáne qoǵamdyq damý mınıstrligi Memleket basshysynyń «Halyq únine qulaq asatyn memleket» tujyrymdamasy aıasynda is-sharalaryn Mınıstrliktiń resmı ınternet-resýrsynda jáne áleýmettik jelilerdegi akkaýnttarda onlaın-kórsetilimin iske qosady, dep habarlaıdy QazAqparat.

Onlaın-translıatsııalar ótkizýdi qamtamasyz etý maqsatynda Mınıstrlikte tıisti keste bekitilgen, oǵan 15-ke tarta ózekti ashyq is-sharalar (otyrystar, keńester, dóńgelek ústelder, forýmdar jáne t.b.) engizilgen.

«Halyq únine qulaq asatyn memleket» Tujyrymdamasynyń negizgi maqsaty memleket pen halyq arasynda syndarly dıalog ornatý bolyp tabylady.

Memlekettik apparat qyzmetindegi problemalar kóbinese azamattar men sheneýnikter arasyndaǵy keri baılanystyń bolmaýynan ekeni jasyryn emes.

Іs-sharalardyń onlaın translıatsııalary Mınıstrliktiń resmı ınternet-resýrsynda, Facebook jáne Youtube áleýmettik jelilerinde qoljetimdi bolady.

Sonymen qatar, Internet paıdalanýshylary onlaın-translıatsııa barysynda óz pikirlerin qaldyra alady.

Esterińizge sala keteıik, Qazaqstanda ár apta saıyn onlaın rejiminde Úkimet otyrystary, QR Parlamenti Senaty men Májilisiniń jalpy otyrystary, sondaı-aq «Aqparatqa qol jetkizý týraly» Zańǵa sáıkes jyl qorytyndysy boıynsha ortalyq jáne jergilikti atqarýshy organdardyń alqa otyrystary translıatsııalanady.