Halyq únine qulaq asatyn memleket: Elordada turǵyndarǵa arnalǵan saıt ashylady
NUR-SULTAN. QazAqparat – Astanalyqtarǵa arnalǵan jańa saıt iske qosylady. Onda qala turǵyndary ózin mazalaǵan saýaldaryn joldap jáne máseleleriniń sheshý jolyn usyna alady.
Bul týraly Nur-Sultan qalasynyń ákimi Altaı Kólginov málim etti, dep habarlaıdy QazAqparat tilshisi.
«Biz qala turǵyndaryn mazalaǵan máselelerdi surap, bilip ony árdaıym nazarda ustaýymyz kerek. Odan bólek, Memleket basshysynyń «Halyq únine qulaq asatyn memleket» tujyrymdasyn umytpaǵanymyz jón. Qazirgi ýaqytta halyqtyń talap-tilegine nazar salý maqsatynda qaladaǵy 4 aýdan boıynsha eseptik kezdesý ótip jatyr. Karantın shekteýlerine baılanysty esep berý onlaın ótip jatyr, degenmen kelip qoıatyn suraǵym bar degen turǵyndarmen tikeleı kezdesý uıymdastyryp jatyrmyz», - dedi A. Kólginov «Astana» telearnasyna bergen eksklıýzıvti suhbatynda.
Sondaı-aq, qala basshysy 10 aqpan halyq aldynda óziniń esep beretinin málim etti.
«Turǵyndarmen qarym-qatynasty odan ári nyǵaıta túsý maqsatynda biz qazir jańa saıt ashyp jatyrmyz. Birge.kz dep atalady. Ol saıt qala ómirine qatysty barlyq salany qamtıdy. ıAǵnı densaýlyq saqtaý, bilim berý, qurylys, jol, abattandyrý, gazdandyrý, jańa jumys oryndary jáne taǵy baǵyttar qamtylady. Saıt arqyly qala turǵyndary joǵaryda atalǵan salalar boıynsha ózin tolǵandyrǵan saýalyn joldaı alady. Sonymen qatar, kótergen máseleni sheshý jolyn da usyna alady. Barlyq saýaldar men usynystar jınaqtalyp, qala bıýdjetin qarastyrǵanda eskeriletin bolady», - dedi ol.
