Halyq tutynatyn taýar óndirýshilerdiń 100-den astamy óz ónimderindegi aqparattyń qazaq tilinde túsinikti ári saýatty jazylýyna nemquraıly qaraıdy
ASTANA. 26 qarasha. QazAqparat - Astanada Memlekettik tildi damytý Prezıdenttik qory men «Nur Otan» HDP «Jas Otan» jastar qanatynyń «Qazaqsha sóıleseıik!» aktsııasy aıasynda birlese ótkizgen «Qyraǵy kóz!» aılyǵy óz máresine jetti.
Іs-sharanyń basty maqsaty - taýarlardyń memlekettik tilde jazylǵan japsyrmalary, oramdary men nusqaýlyq mátinderindegi qatelerdi anyqtaý bolatyn. Volonterlar men qala turǵyndary aralaǵan barlyq saýda ortalyqtarynan qatelerinen kóz súrinetin saýatsyz japsyrmalar anyqtaldy. Atalmysh sharaǵa «Jas Otannyń» qaraǵandylyq fılıaly da qosyldy, dep habarlaıdy Memlekettik tildi damytý Prezıdenttik qorynyń Baspasóz qyzmeti
«Aktsııa qorytyndysy 100-den astam otandyq jáne sheteldik taýar óndirýshiler ónimdegi japsyrmalardyń qazaq tilinde durys jazylýyna selqos qaraıtynyn kórsetti. Buǵan qosa, azyq-túlik ónimderi men ózge de taýar óndirýshilerdiń 200-ge jýyǵy tutynýshylarǵa usynylatyn aqparatty qazaq tilinde múlde bermeıtinin kórsetti. Jáne de bul derekter Astana qalasy boıynsha ǵana kórsetilip otyr. Al, elimizdiń tutas aýmaǵynda bul kórsetkish eselene túseri anyq», - deıdi Memlekettik tildi damytý Prezıdenttik qorynyń dırektoryAzat Sháýeev.
Estigen qulaqqa oǵash sózder, qaptaǵan grammatıkalyq qateler, stılıstıkalyq jáne maǵynalyq kereǵarlyq - qazaqtildi tutynýshylarǵa arnalǵan aqparat osyndaı saqaý sózderden aıaq alyp júrgisiz.
Aıtalyq, elordadaǵy aspazdyq dúkenderdiń birinde satylatyn taǵamnyń «Shaıtannyń aıaqtary» degen úreıli ataýy «Dıavolskıe» degen taýyq aıaqtarynyń sózbe-sóz aýdarmasy bolyp shyqty.
Saýdaǵa shyǵarylǵan sabyn oramyndaǵy sózderdi qazaq qaripterimen berilgeni bolmasa, mán-maǵynasy joq qoıyrtpaq deýge bolady. Osyndaǵy «Týımedak nırli balıa arnalıan» sekildi basqa shatpaqtardan bul taýarlardyń ne ekenin, kimge arnalǵanyn uǵyp, bilý múmkin emes, - deıdi aktsııany uıymdastyrýshylar.
Al keıbir óndirýshiler daıyndalatyn taǵamǵa tuzdy «talǵamyna qaraı» qosýdy (dámine qaraı qosyńyz) usynady.
Endi bir óndirýshiler qazaqtildi tutynýshysyna kir jýýdyń usynylǵan temperatýrasy «toqyma buıymdarynyń basynda kórsetilgenin» habarlaıdy. Al durysy - «toqyma buıymdarynyń japsyrmalarynda nemese nusqaýlyqtarynda» bolsa kerek.
Mundaı mysaldar óte kóp jáne buny aýdarmashylardyń nashar aýdarýy ǵana emes, sonymen qatar halyq tutynatyn taýarlardy óndirýshilerdiń memlekettik tilge nemquraıly qaraýynyń saldary deýge bolady.
Uıymdastyrýshylardyń aıtýynsha, mundaı taýar óndirýshilerdiń tizimi shara qoldaný úshin Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetine joldanatyn bolady.
«Qyraǵy kóz!» aılyǵy taýar óndirýshiler arasynda memlekettik tilge degen qurmet sezimin qalyptastyryp, jurtshylyqty til tazalyǵy úshin kúreske jumyldyrý, tutynýshylarǵa arnalǵan aqparatty uǵynyqty jetkizýge, sapaly aýdarýǵa nazar aýdartý maqsatynda uıymdastyrylǵan bolatyn.
Aktsııaǵa qatysýǵa Astananyń turǵyndary tartyldy. «Jas Otan» jastar qanatynyń astanalyq fılıalyna qazaq tiline qate aýdarylǵan japsyrmalardy neǵurlym kóp ákelgen alǵashqy 20 adam Qordyń arnaýly syılyqtaryna ıe boldy.
