«Halyq tarıh tolqynynda» baǵdarlamasynyń basty maqsaty Qazaqstannyń tarıh ǵylymynyń sapalyq serpilisi úshin jaǵdaı jasaý bolyp tabylady

ASTANA. 28 maýsym. QazAqparat - Búgin Aqordada QR Memlekettik hatshysy Marat Tájınniń tóraǵalyǵymen Ulttyq tarıhty zerdeleý máseleleri jónindegi vedomstvoaralyq jumys tobynyń ekinshi otyrysy ótti.

Bul týraly Aqordanyń baspasóz qyzmetinen habarlandy.

Otyrysta ókiletti memlekettik organdardyń «Halyq tarıh tolqynynda» baǵdarlamasyn ázirleý, sondaı-aq vedomstvoaralyq jumys tobynyń birinshi otyrysynda belgilengen mindetterdi iske asyrý jóninde qabyldanyp jatqan sharalar qaraldy.

Baǵdarlamanyń basty maqsaty - ozyq ádisnama men ádisteme negizinde Qazaqstannyń tarıh ǵylymynyń sapalyq serpilisi, qazaq halqynyń ulttyq tarıhy kókjıegin keńeıtý, ulttyń jańa tarıhı dúnıetanymdyq kózqarasyn qalyptastyrý, sondaı-aq elimizdiń qazirgi zaman tarıhynyń jıyrma jyldyǵyn zerdeleý úshin jaǵdaı jasaý.

Kezdesý qorytyndysy boıynsha ulttyq tarıhty jan-jaqty zertteý jóninde ǵylymı-zertteýshilik, oqý-ádistemelik jáne aqparattyq-taldamalyq jumystardy túrli baǵyttar boıynsha uıymdastyrý jóninde naqty tapsyrmalar berildi.