Halyq tabysyna yqpal etetin jigerli sheshimder jasaldy - Danııa Espaeva
«Memleket basshysynyń bıylǵy Joldaýy áleýmettik salany, sondaı-aq ekonomıkalyq bloktaǵy reformalarǵa qatysty naqty mindetterdi aıqyndady. Usynylǵan reformalardyń biri Básekelestikti qorǵaý jáne damytý agenttigin qurýǵa qatysty boldy.
Bul óz kezeginde qalyptasqan jaǵdaıda qajet bolyp turǵan sheshim edi.
Ekonomıkadaǵy monopolızatsııalanýdyń jalǵasýy jalpy ekonomıka men qoǵamnyń ary qaraı damaýyna tosqaýyl bolatyny anyq. Osy oraıda qaıta qurylǵan agenttik kontsentratsııanyń ózgerýi men naryq qatysýshylarynyń qysqarýyna alyp kelgen salyqtyq ári qarjylyq jáne basqa da shamadan tys talaptary bar sektorlarda memlekettik retteýdi qaıta qarastyrýmen aınalysady dep oılaımyn», - dedi D. Espaeva.
Onyń aıtýynsha, tótenshe jaǵdaıdy engizý aıasynda Prezıdent ekonomıka men kásiporyndardy saqtaýǵa ári jandandandyrýǵa, sondaı-aq halyq tabysyn qalpyna keltirýge yqpal etetin birqatar sharaǵa qatysty jigerli sheshim jasady. Bul sharalar bıznesti qoldaýǵa baǵyttalyp, salyqtyq jáne nesıelik yntalandyrý túrindegi qoldaý eskerildi. Sáıkesinshe, tıisti qadamdarǵa memleket tarapynan qomaqty qarajat bólinip, ońtaıly nátıje boldy.
«Meniń oıymsha, bıyl qyrkúıekte jarııalanǵan Joldaý shaǵyn jáne orta bıznesti qorǵaýǵa yqpal etetin bolady. Sebebi osy turǵyda qajetti sheshimder pysyqtalǵany anyq. Bank sektorynda qyzmet etken maman retinde zardap shekken shaǵyn jáne orta bıznes sektorlarynyń barlyq nesıeleri boıynsha paıyzdyq mólsherlemelerdi sýbsıdııalaýdy qoldaımyn», - dedi depýtat.
Onyń sózine qaraǵanda, tótenshe jaǵdaı engizilgennen beri jáne karantın merziminde «Aq jol» partııasy kásipkerlerge naqty kómek jasaý boıynsha Úkimetke birneshe márte ótinimder joldady.
«Sondyqtan Prezıdenttiń ekonomıkanyń zardap shekken barlyq sektorlarynda qoldanystaǵy kredıtteri boıynsha paıyzdyq stavkalardy jyldyq 6 paıyzǵa deıin memlekettik sýbsıdııalaý arqyly qosymsha kómek kórsetý sheshimi qazirgi jaǵdaıda naqty qoldaý bolyp otyr», - dedi D. Espaeva.
Onyń paıymynsha, bıznesti qoldaýdyń barlyq sharalary halyq tabysynyń artýyna yqpal etedi ári der kezinde jasalýda. Alaıda, qabyldanyp otyrǵan sharalardyń mańyzdylyǵyn eskere otyryp, «Aq jol» partııasy shaǵyn jáne orta bıznesti memlekettik qoldaý qadamdaryn jetildirý qajet dep sanaıdy.
Budan bólek depýtat Strategııalyq josparlaý jáne reformalar agenttiginiń qurylýyna qatysty pikir bildirdi.
«Atalǵan agenttikti qurý eki mańyzdy maqsatty qamtıdy dep oılaımyn. Bul turǵyda memlekettiń uzaqmerzimdi ekonomıkalyq ári áleýmettik saıasatyn, sondaı-aq Mınıstrler kabıneti jumysyna baǵalaý júrgizýdi qamtamasyz etedi», - dep atap ótti D. Espaeva.
