Halyq súıispenshiligine bólený - qashanda zor mártebe

Jeńimpaz kóp daýys jınaý arqyly anyqtalady. 2012 jyly «Úzdik dáriger» ataǵyn Qazaq memlekettik medıtsına akademııasynyń túlegi, 2008 jyldan Astana «Perınataldyq ortalyǵynda» jumys isteıtin Vladımır Kalashnıkov jeńip aldy. Osy kez eńde ol 2 myńnan astam áıeldi bosandyryp, ınnovatsııalyq tehnologııalardy engizdi. Halyq súıispenshiligine ıe bolýdyń «qupııasy» nede ekendigin «Astana tandaýy-2013» jańa baıqaýy qarsańynda astana.kz saıtymen ótken jylǵy baıqaýdyń eń jas jeńimpazy bólisti.

- «Astana tańdaýy» baıqaýynda tańdaý sizge túskendigin qalaı bildińiz?

- Kelýshilerdiń biri jumysta kezdeısoq aıtyp qaldy. Men muny kútpep edim. Sosyn qyzyǵýshylyǵym oıanyp, saıtqa ózim kirip, qaradym. Jeńiske jetem degen oı múlde bolǵan joq. Árıne, estigen kezde boıymdy qýanysh sezimi bıledi. Jeńis degen jaqsy ǵoı.

- Jeńisińizden keıin jumysta ne ózgerdi? Sizdiń jeńil qolyńyzdan bosanǵysy keletin áıelder sany kóbeıgen joq pa?

- Joq, áıelder sany ózgermedi. Biz eki táýlik saıyn aýysyp kezekshilik atqaramyz. Tolǵaq qysqan áıelder meni kútip otyra almaıdy ǵoı. Áriptesterim quttyqtap, basshylyq aqshalaı syılyq berdi. Taǵy bir aıtarym, meniń qosymsha jumysym paıda boldy. Endi men oqý-klınıkalyq ortalyǵynda tıimdi perınataldyq tehnologııa boıynsha qalalyq úılestirýshi bolyp jumys isteımin. Baıqaýda jeńimpaz atanǵansha ózimizdiń perzenthanada jattyqtyrýshy boldym.

- Qyzǵanyshpen qaraǵan áriptesteriń boldy ma?

- Joq, eshqandaı da qyzǵanysh bolǵan emes. Biz bir-birimizben óte jaqsy qarym-qatynastamyz.

- Sizdiń oıyńyzsha, halyq súıispenshiligine bólený úshin ne isteý kerek?

- Árıne, birden jaýap berý qıyn. Bul adamdarmen qalaı qarym-qatynas jasaýyńyzǵa baılanysty dep oılaımyn. Kez kelgen adam sizben jaqsy qarym-qatynasta bolýy úshin, áýeli onymen jaqsy mámilede bolýyńyz kerek. Sonan soń únemi talmaı, erinbeı eńbek etý qajet.

- Astana tandaýy baıqaýyna kózqarasyńyz?

- Ádette baıqaýlarda dárigerler kásibı turǵydan eń úzdik mamandy ózderi tańdap alady, al munda halyq ashyq túrde ınternet arqyly daýys beredi. Osydan keıin halyqtyń medıtsına mamanyn qanshalyqty baǵalaıtynyn bilýge bolady. Emdelýshilermen tyǵyz qarym-qatynasta bolý bizdiń basty jumysymyz, olarǵa jaqsy kóńil bólýimiz kerek. Al bul baıqaý jalpy medıtsınanyń mártebesin kóteretini anyq. Mundaı baıqaýlardy mindetti túrde jyl saıyn ótkizip otyrý kerek.

- Bıyl kimdi usynasyz?

- Ázirge belgisiz. Júrgizýshiler men muǵalimderden tanysym joq. Tek dárigerlerdi usynýym múmkin, alaıda kimdi usynarymdy oılanǵan joqpyn.

Qurmetti Astana turǵyndary men qonaqtary!

Eger de tanysyńyz jaıly baıandaǵyńyz kelse, myna meken-jaıǵa habarlasyńyz: 010000, Astana qalasy, Beıbitshilik kóshesi, 25-úı, 401-kabınet nemese elektrondyq poshta astana-tandauy-2013@mail.com . Egjeı-tegjeıli aqparat alý úshin myna telefondarǵa habarlasyńyz: 8 (7172) 910-842, 910-845 (faks).

«Pedagog», «Qoǵamdyq kólik júrgizýshisi», «Ýchaskelik ınspektor», «Dáriger», «Energetık», «Jol jóndeýshi» jáne «Qurylysshy» salalarynyń eń úzdik mamandaryn izdeımiz. Ótinimderdi qabyldaý 2013 jyldyń naýryz aıynda bastaldy jáne 31 mamyrǵa deıin jalǵasady, daýys berý 1 maýsymda bastalady. Baıqaý nátıjelerin Astana qalasynyń ákimi Imanǵalı Tasmaǵambetov Astana kúni qarsańynda jarııalaıdy.