«Halyq súıiktisi-2020» syılyǵy 27 adamǵa tabystaldy
NUR-SULTAN. QazAqparat – Elordada 10-shy ret uıymdastyrylǵan «Halyq súıiktisi» syılyǵynyń jeńimpazdary marapattaldy, dep habarlaıdy QazAqparat tilshisi.
Syılyq ıdeıasynyń avtory, «Respýblıka-Aımaq-Damý» qoǵamdyq qorynyń prezıdenti Ǵalym Baıtoqtyń aıtýynsha, ádilqazy alqasy quramynda sportshy Baqtııar Artaev, QR Densaýlyq saqtaý vıtse-mınıstri Ajar Ǵınııat, Ekologııalyq uıymdar qaýymdastyǵynyń tóraǵasy Aıgúl Soloveva, qoǵam qaıratkeri Irak Elekeev bolǵan.
«Birden aıtaıyn, mereıtoılyq onynshy marapat keshin anaǵurlym keńirek atap ótý josparlanyp edi. Biraq, pandemııa jaǵdaıynda birqatar shekteýler boldy. Barlyq ýaqytta bizdiń negizgi qaǵıdalarymyz – adaldyq, ashyqtyq jáne ádildik bolyp qala beredi. Bıylǵy irikteý de ádettegideı qazylardyń óte qatal synynan ótti», - dedi Ǵalym Baıtoq «Rixos Astana» qonaqúıinde ótken marapattaý rásiminde.
Sonymen birge, Ǵalym Baıtoq keıbir atalymdarda birdeı daýys jınaǵan eki jeńimpazdyń da qatar marapattalǵanyn jetkizdi. Eń aldymen marapat keshinde COVID-19 vırýsyna qarsy kúresken medıtsına mamandary men eriktilerge júlde tabystaldy.
Osylaısha, «Jyldyń úzdik dárigeri» atalymynda Qyzylorda oblystyq ınfektsııalyq aýrýlar aýrýhanasynyń jansaqtaý bóliminiń meńgerýshisi Bolat Asanbaevqa berildi.
«Jyldyń úzdik medbıkesi» júldesi Mańǵystaý oblystyq aýrýhanasynyń aǵa medbıkesi Aınur Batyrbekovaǵa, «Sanıtarlyq-epıdemıologııalyq qyzmettiń úzdik qyzmetkeri» júldesi – Aqmola oblysy Býrabaı aýdandyq basqarmasynyń basshysy Seraly Joldasbaevqa tabystaldy.
«Úzdik medıtsınalyq statsıonar» júldesin Qaraǵandy oblysyndaǵy professor H. Maqajanov atyndaǵy kópbeıindi aýrýhana ujymy jeńip aldy. Marapatty aýrýhana dırektory Erkin-Dáýir Qurmanǵalıev aldy.
Pandemııa kezinde halyqqa kómek kórsetken erikti, «ıA Almatınets» tobynyń múshesi Saıda Táýekelovaǵa «Jyldyń úzdik eriktisi» júldesi berildi. Saıda Táýekelova pandemııa kezinde qaýip-qaterge qaramastan, halyqqa kómektesken árbir volonterge alǵys aıtty.
Sondaı-aq, pandemııa kezeńinde qoǵamdyq jumysqa úles qosqan Erjan Janatarov pen Rafael Gasanovqa «Halyq súıiktisi» músinsheleri berildi.
Al «Ekologııalyq máselelerdi sheshkeni úshin» - qaldyqtardy óńdeýmen aınalysatyn «ROP operatory» JShS marapattaldy.
«Úzdik parlamentarıı» júldesi QR Parlamenti Májilisiniń tóraǵasy Nurlan Nyǵmatýlınge berildi.
«Jyldyń úzdik mádenıet qaıratkeri» syılyǵyn Qazaqstannyń óner qaıratkeri álemge tanymal ánshi Dımash Qudaıbergen aldy.
Ádilqazylardyń biraýyzdan bergen sheshimimen «Altyn dáýir» Qurmetti nomınatsııasyna mýzykalyq pedagog, professor, Qazaq KSR Halyq ártisi Kesoglý Lakı Konstantınovıch ıe boldy. Sonymen birge, «Altyn dáýir» syılyǵy qoǵam qaıratkeri Birǵanym Áıtimova men Májilis depýtaty Serik Seıdýmanovqa berildi.
«Jyldyń úzdik qoǵam qaıratkeri» atalymynda belgili volonter Gúlmıra Ábdirash ozyq atandy.
«Jyldyń úzdik muǵalimi» júldesi shamalas daýys jınaǵan eki muǵalimge berildi. Olar – Nur-Sultan qalasynyń №17 mektep-gımnazııasynyń geografııa pániniń muǵalimi Tólegen Ábdiraıysov jáne fleıta oqytýshysy, Qazaq ulttyq óner ýnıversıtetiniń úrmeli jáne urmaly aspaptar kafedrasynyń dotsenti Nına Grıgoreva.
«Blogsfera kóshbasshysy» júldesin de birdeı daýys jınaǵan Nasıma Qorǵanbekova men Qazbek Maıgeldınov aldy.
«Jyldyń úzdik pýblıtsısi» atalymynda jýrnalıst, pýblıtsıst Mıhaıl Kozachkov jeńiske jetti, al Azattyq Rýhy – «Jyldyń úzdik ınternet basylymy» atandy.
«Jyldyń úzdik bıznesi» - Nur-Sultan qalasynda sanıtarlyq qyzmet, dezınfektsııa qyzmetin kórsetetin «ORKIN» JShS Talǵat Dúısekovke berildi.
«Jyl metsenaty» júldesi de qyzylordalyq «Jan-Araı» JShS dırektory Baqdáýlet Maqashov pen aqtóbelik «Kaır BD» JShS dırektory Baýyrjan Dintaevqa tabystaldy.
UFC-degi qazaqstandyq faıter Shafkat Rahmonov «Jyldyń úzdik sportshysy» atalymynda halyqtyń súıiktisi atandy.
Sonymen birge, «Tıolaın» JShS qaýipsizdik qyzmetkeri Janbolat Dondaǵulov kásiporyndy basqynshylardan qorǵaǵany úshin «Batyl júrek» syılyǵymen marapattaldy. Sot isterine baılanysty júldeni Janbolattyń ornyna advokaty aldy.
«Jyldyń úzdik fermeri» júldesi de eki jeńimpazǵa berildi, olar – Soltústik Qazaqstan oblysyndaǵy «Prometeı-Agro» JShS dırektory ıÝrıı Shol jáne Qyzylorda oblysyndaǵy «Abaı-Dáýlet» JShS dırektory Murat Sársenbaev.
Sońǵy «Halyqtyq traktor» atalymynda - «Agromashholdıng.kz» AQ «Kırovets» traktory úzdik dep tanyldy.
