Halyq saılaýǵa úlken jaýapkershilikpen daıyndalýda – sarapshy

NUR-SULTAN. QazAqparat – Memlekettiń bekitilgen zańy bar, sol zańǵa sáıkes erejeler bar. Búkil úgit-nasıhat jumystary osy erejeler aıasynda júzege asýda. Bul týraly elordada «Saılaý – 2021: úgit-nasıhat trendteri» taqyrybynda ótken sarapshylar talqylaýynda zań ǵylymdarynyń doktory Esbergen Alaýhanov aıtty.

«Aldaǵy ýaqytta ótetin saılaý boıynsha úgit-nasıhat jumystary uıymshyldyqpen, tártipti túrde ótip jatyr. Biz sonyń kýágerimiz. Qoǵamdyq táýelsiz baqylaýshy retinde halyqtyń arasynda júrip, bárin kórip jatyrmyz. Bul saılaýdyń birneshe ereksheligi bar. Birinshiden, Máslıhat saılaýy boıynsha tuńǵysh ret kandıdattar arasynda jergilikti jerlerde debattar uıymdastyrylýda. Tuńǵysh ret máslıhatqa depýtattyqqa kandıdattar partııalyq tizim boıynsha ótip jatyr. Ekinshiden, koronavırýs kezinde araqashyqtyq saqtaý jóninde qatań eskertilýde. Halyq saılaýǵa úlken jaýapkershilikpen daıyndalyp jatyr», - deıdi zań ǵylymdarynyń doktory, professor, Qazaqstannyń eńbek sińirgen qaıratkeri, «Qazaqstannyń ǵylymy men ómiri» jýrnalynyń redaktory Esbergen Alaýhanov.

Onyń aıtýynsha, úgit-nasıhat jumystaryna qatysty tártip buzýshylyq bolǵan joq.

«2021 jyly bolatyn saılaý óte joǵary dárejede ótedi degen senimdemin. Biz quqyqtyq saýattylyǵymyzdyń, quqyqtyq mádenıetimizdiń joǵarylyǵyn kórsetip, quqyqtyq tártip boıynsha daýys beremiz dep oılaımyn», - deıdi ol.