«Halyq saılaýdy jaqsy qabyldady» - baspasózge sholý
***
«Egemen Qazaqstan» basylymynyń búgingi sanynda «Halyq saılaýdy jaqsy qabyldady» degen maqala berilgen. Keshe Memleket basshysy, «Nur Otan» HDP-nyń Tóraǵasy Nursultan Nazarbaev partııa Tóraǵasynyń birinshi orynbasary Baýyrjan Baıbekti qabyldady. Kezdesý barysynda B.Baıbek partııanyń «Qazaqstan - 2050» Strategııasyn túsindirý jáne iske asyrý jónindegi jumysy, «Nur Otan» HDP XV sezine daıyndyq barysy jáne saıası Doktrına jobasyn ázirleýdiń aıaqtalǵany týraly baıandady. Partııa Tóraǵasynyń birinshi orynbasary «Nur Otan» HDP-nyń bastamasy boıynsha Demokratııalyq kúshterdiń jalpyulttyq koalıtsııasynyń otyrysy ótkenine toqtaldy. Onyń qorytyndysynda jetekshi saıası partııalar men qoǵamdyq birlestikter elimizde júrgizilgen jergilikti ózin-ózi basqarý jáne ákimshilendirý júıesi reformalaryna qoldaý bildirdi.
- Jalpyulttyq koalıtsııanyń otyrysy barysynda biz barlyq partııalarmen saılaýdyń ashyqtyǵy jáne zańdylyǵy týraly monıtorıng jasaý, olarǵa jergilikti mańyzy sebebinen partııalyq turǵydan basymdyq berilmeıtini jónindegi ýaǵdalastyqqa qol jetkizdik. Jalpy aıtarlyqtaı tártip buzýshylyqtar tirkelgen joq, halyq saılaýdy jaqsy qabyldady, - dedi B.Baıbek. «Nur Otan» HDP Tóraǵasynyń birinshi orynbasary partııa jumysynyń negizgi pishimi jańartylǵany týraly da habardar etti.
Budan buryn Respýblıkalyq konkýrstyq komıssııanyń jumys qorytyndysy boıynsha 30758 adam bilim berý granttarynyń ıegeri atanǵanyn, onyń ishinde qazaq bólimine - 21064, orys bólimine - 9694 adam bilim granttaryna ıe bolǵanyn habarlaǵan bolatynbyz. «Egemen Qazaqstan» gazetiniń búgingi sanynda 2013 jylǵy bilim granttary ıegerleriniń tizimi jarııalanyp otyr.
***
«Shyńjań gazeti» qazaq redaktsııasy bóliminiń redaktory Jaıyrbek Muhamethanuly baǵdarlamanyń gazettik nusqasyn avtorlar ruqsat etse, baspaǵa daıyndap berýge ázir ekenin málimdedi. «Sondaı-aq maqalalardy kóshirip basyp, ulttyq klassıkalyq ónerimizdi Aspanasty elinde nasıhattaýǵa belsene kirisetinin aıtyp, súıinshi habar jetkizdi. Áriptesimiz osyǵan deıin «Aıqyn» gazetiniń «Tanymal ánniń tarıhy» aıdaryn Qytaıdaǵy «Halyq» baspasynan shyǵaryp, kópshilikke taratqan bolatyn», - dep jazady «Aıqyn» gazeti «Telqońyr kitap bolyp shyqpaq» degen maqalada.
Osy basylymda «Óskemen ózgerip keledi» degen maqala kópshilik nazaryna usynylyp otyr. Shyǵystyń órkenıetti de óndirisi damyǵan aımaǵy Óskemen búginde ózgeshe reńkke baıanyp, barynsha damyp keledi. Shahar halqynyń turmys-tirshiligi de jaqsardy. Óndiris kólemi artyp, 312,8 mlrd teńgeni qurady. Bul ótken jylmen sadystyrǵanda, qomaqty, 9 paıyzǵa kóp.Bul jaıynda tolyq bilgińiz kelse, gazettiń búgingi sanyn qarap shyǵyńyz.
