Halyq sanaǵyn júrgizetin qyzmetkerlerge qansha eńbekaqy tólenedi

NUR-SULTAN. QazAqparat – QR Ulttyq statıstıka bıýrosynyń Nur-Sultan qalasy boıynsha departamentiniń basshysy Jorabek Dáýrenov halyq sanaǵyn júrgizetin qyzmetkerlerge qansha eńbekaqy tólenetinin aıtty, dep habarlaıdy QazAqparat tilshisi.

«Sanaqty sapaly ótkizý úshin qarajat bólindi. Qazirgi ýaqytta negizgi qarajat – sanaq qyzmetkerleriniń jalaqysy bolyp otyr. Mysaly, ıntervıýer qyzmetin tóleý úshin birinshi kezeńde bir aı úshin 83 myń teńge tólenedi. Al halyq sanaǵynyń negizgi kezeńinde – 104 myń teńge tólenbek. Nusqaýshy-baqylaýshyǵa 45 kún ishinde tolyq qyzmet etse – 125 myń teńge beriledi», - dep jaýap berdi J. Dáýrenov elorda ákimdiginde ótken baspasóz máslıhatynda.

Aıta keteıik, bıylǵy halyq sanaǵy dástúrli jáne onlaın formattarda ótedi. 1 qyrkúıek pen 15 qazan aralyǵynda onlaın rejımde ózdiginen saýalnama paraqtaryn toltyrý múmkindigi bolady. Júıe táýligine 24 saǵat qoljetimdi bolady, respondentter sanaqqa qatysý úshin ózine yńǵaıly ýaqytty tańdaı alady.

Odan basqa, «Egov» platformasynda elektrondy tsıfrlyq qoltańba arqyly jáne Aitu mobıldi qosymshasy arqyly sanaqtan ótýge bolady. Al dástúrli ulttyq sanaq onlaın rejımde sanaqtan ótpegen turǵyndar úshin 1-30 qazan aralyǵynda ótedi.

Halyq sanaǵyn júrgizetin qyzmetkerlerge vaktsına alý talaby qoıylyp otyr.