Halyq sanaǵyn júrgizetin qyzmetkerler vaktsına alýy kerek pe
«Sanaq qyzmetkerleri bolady, Nur-Sultan qalasynda birinshi kezeńge 324 qyzmetker alyndy. Onyń bári tolyǵymen oqýdan ótip, jumysyn bastap ketti. Ekpe alý máselesine kelsek, árıne, qyzmetkerler halyqpen tikeleı aralasatyn bolǵandyqtan ondaı talap bar. Bul tek qana bizdiń sanaqqa qatysty emes, halqymyz jalpy indetten qutylý úshin óz erkimen ekpe alýy qajet dep oılaımyz», - dep jaýap berdi J. Dáýrenov elorda ákimdiginde ótken baspasóz máslıhatynda.
Aıta keteıik, bıylǵy halyq sanaǵy dástúrli jáne onlaın formatta ótedi.
1 qyrkúıek pen 15 qazan aralyǵynda onlaın rejımde ózdiginen saýalnama paraqtaryn toltyrý múmkindigi bolady.
Júıe táýligine 24 saǵat qoljetimdi bolady, respondentter sanaqqa qatysý úshin ózine yńǵaıly ýaqytty tańdaı alady.
Odan basqa, «Egov» platformasynda elektrondyq tsıfrlyq qoltańba arqyly jáne «Aitu» mobıldi qosymshasy arqyly sanaqtan ótýge bolady.
Al dástúrli ulttyq sanaq onlaın rejımde sanaqtan ótpegen turǵyndar úshin 1-30 qazan aralyǵynda ótedi.
