Halyq sanaǵy tehnıkalyq sebepterge baılanysty bir jylǵa shegerildi - komıtet

NUR-SULTAN. QazAqparat - Ulttyq halyq sanaǵyn júrgizý tehnıkalyq sebepterge baılanysty bir jylǵa shegerildi. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.

«Bastapqyda Ulttyq halyq sanaǵy 2019 jyly ótýi kerek dep josparlanǵan, biraq tehnıkalyq máselelerge baılanysty aqparattyq júıeni jasap úlgermedik. Sondaı-aq, memlekettik satyp alý máselesin sheshýge, uıymdastyrý jumystaryna qatysty suraqtardy sheship úlgermegendikten, bir jyl keıinge shegerdik», - deıdi QR Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov.

Eske salsaq, bıyl qazan aıynda Ulttyq halyq sanaǵy ótedi, ol eki kezeńnen turady. Sanaqty ótkizýge bıýdjetten 8,2 mlrd teńge bólindi. Sondaı-aq, bıylǵy halyq sanaǵynda qaǵaz qoldanylmaıdy.